នាយករដ្ឋមន្រ្តីម៉ាឡេស៊ីវ័យចំណាស់បំផុតក្នុងលោក បានមកដល់កម្ពុជា ដើម្បីធ្វើទស្សនកិច្ចផ្លូវការ

2019-09-02 04:00:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយករដ្ឋមន្ត្រីម៉ាឡេស៊ីវ័យ៩៤ឆ្នាំ លោកបណ្ឌិត មហាធា មហាម៉ាត់ (Mahathir Mohamad) និងភរិយា បានអញ្ជើញមកដល់ប្រទេសកម្ពុជាហើយ ដើម្បីបំពេញទស្សនកិច្ចផ្លូវការចាប់ពីថ្ងៃទី២ ដល់ថ្ងៃទី៤ ខែ កញ្ញា ឆ្នាំ២០១៩ តបតាមការអញ្ជើញរបស់សម្តេចនាយករដ្ឋមន្រ្តី ហ៊ុន សែន។

រូបថត៖ ហ្វេសប៊ុកសម្តេច ហ៊ុន សែន

នៅក្នុងពេលបំពេញទស្សនកិច្ចនៅកម្ពុជា លោកនាយករដ្ឋមន្ត្រីម៉ាឡេស៊ី នឹងអញ្ជើញជួបសម្តែងការគួរសមដាច់ដោយឡែកពីគ្នាជាមួយសម្តេច សាយ ឈុំ ប្រមុខរដ្ឋស្តីទីនៃព្រះរាជាណាចក្រកម្ពុជា និង សម្តេច ហេង សំរិន ប្រធានរដ្ឋសភា។

លោកបណ្ឌិត មហាធា មហាម៉ាត់ នឹងអញ្ជើញជួបប្រជុំទ្វេភាគីជាមួយសម្តេច ហ៊ុន សែន ដែលនឹងពិភាក្សាលើទិដ្ឋភាពផ្សេងៗនៃកិច្ចសហប្រតិបត្តិការទ្វេភាគីរវាងប្រទេសទាំងពីរ។ ទន្ទឹមនឹងនោះ នាយករដ្ឋមន្រ្តីទាំង២ ក៏នឹងពិភាក្សាផ្លាស់ប្តូរទស្សនៈគ្នាលើបញ្ហាតំបន់ និងអន្តរជាតិដែលមានផលប្រយោជន៍រួមផងដែរ ហើយបន្ទាប់មកនឹងអញ្ជើញជាអធិបតីក្នុងពិធីចុះហត្ថលេខាលើឯកសារមួយចំនួន និងធ្វើការប្រកាសព័ត៌មានរួមគ្នា។

ដំណើរទស្សនកិច្ចផ្លូវការរបស់ លោកបណ្ឌិត មហាធា មហាម៉ាត់ នៅកម្ពុជា នឹងរួមចំណែកកាន់តែប្រសើរក្នុងការពង្រឹង និងធ្វើឲ្យកាន់តែស៊ីជម្រៅបន្ថែមទៀត នូវចំណងមិត្តភាព និងកិច្ចសហប្រតិបត្តិការជិតស្និទ្ធដ៏ល្អរវាងកម្ពុជា និងម៉ាឡេស៊ីទាំងនៅក្នុងក្របខណ្ឌទ្វេភាគី ក្នុងកម្រិតតំបន់ និងអន្តរជាតិ៕

អត្ថបទ៖ សំភី