១០ឆ្នាំអាម៉េរិកផ្ដល់ថវិកាជិតបួនពាន់លានដុល្លារដល់ប្រទេសប្រាំនៅតាមដងទន្លេមេគង្គ

2019-09-04 02:41:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងរយៈពេលមួយទសវត្សរ៍កន្លងមកនេះសហរដ្ឋអាម៉េរិកថាខ្លួនបានផ្ដល់ជាថវិកាជិតបួនពាន់លានដុល្លារអាម៉េរិកដល់ប្រទេសកម្ពុជា មីយ៉ាន់ម៉ា ឡាវ ថៃ និងវៀតណាម ក្នុងគម្រោងទន្លេមេគង្គក្រោម (Lower Mekong Initiative)។

(រដ្ឋមន្ត្រីការបរទេសអាម៉េរិកលោក Popeoចូលរូមកិច្ចប្រជុំថ្នាក់រដ្ឋមន្ត្រីនៅទីក្រុងបាងកកកាលពីថ្ងៃទី១ ខែកញ្ញាក្នុងគម្រោងLower Mekong Initiative/State Dept./Ron Przysucha)

នៅលើទំព័រហ្វេសប៊ុករបស់ប្រព័ន្ធផ្សព្វផ្សាយអាម៉េរិកប្រចាំតំបន់អាស៊ីប៉ាស៊ីហ្វិកថ្ងៃនេះបានចេញរបាយការណ៍តួលេខសង្ខេបមួយពីការផ្ដល់ជំនួយនេះ។

បើតាមរបាយការណ៍នេះក្នុងរយៈពេល១០ឆ្នាំកន្លងទៅសហរដ្ឋអាម៉េរិកបានផ្ដល់ថវិកាដល់ប្រទេសទាំងប្រាំជាង៣,៨ពាន់លានដុល្លារ។

តាមរយៈជំនួយនេះបានធ្វើឲ្យប្រជាពលរដ្ឋជាង៣៤០ ០០០នាក់ បានទទួលការធ្វើឲ្យប្រសើរឡើងនូវទឹកស្អាតសម្រាប់ទទួលទាន។ ជាមួយគ្នានេះដែរមន្ត្រី គ្រូបង្រៀន សិស្សនិស្សិតប្រមាណ៣ ៨០០នាក់ទទួលបានការបណ្ដុះបណ្ដាលជំនាញបច្ចេកទេសបន្ថែម។ សម្រាប់មនុស្សប្រមាណជា២៧ ០០០នាក់ផ្សេងទៀតបានទទួលការធ្វើឲ្យប្រសើរឡើងនូវសេវាសុខភាពសាធារណៈ។

ក្រៅពីនេះក្នុងរយៈពេលដូចគ្នា សហរដ្ឋអាម៉េរិកក៏បានបញ្ជូនអ្នកបច្ចេកទេសចំនួន៧០ក្រុមមកជួយគម្រោងចំនួន៤៥ទាក់ទងនឹងការធ្វើឲ្យប្រសើរឡើងនូវវិស័យហេដ្ឋារចនាសម្ព័ន្ធ។

គួរបញ្ជាក់ថាគម្រោង Lower Mekong Initiativeបានភ្ជាប់សហរដ្ឋអាម៉េរិកទៅនឹងប្រទេសទាំងប្រាំនៅតាមដងទន្លេងមេគង្គ។ គម្រោងនេះធ្វើលើរការធ្វើឲ្យប្រសើរឡើងនូវហេដ្ឋារចនាសម្ព័ន្ធ និងការតភា្ជប់ក្នុងតំបន់ ការយកចិត្តទុកដាក់លើសន្តិសុខស្បៀង និងទឹកស្អាត អប់រំ សុខភាព និងការលើកកម្ពស់សិទ្ធិអំណាចស្រ្តី៕

អត្ថបទ៖ ទូច សុខា