អគ្គមេបញ្ជាការ ចេញបញ្ជាថ្មីមិនអនុញ្ញាតឱ្យយកកងកម្លាំង ទៅបម្រើឱ្យវិស័យឯកជនឡើយ
- 2019-09-08 00:24:34
- ចំនួនមតិ 0 | ចំនួនចែករំលែក 0
អគ្គមេបញ្ជាការ ចេញបញ្ជាថ្មីមិនអនុញ្ញាតឱ្យយកកងកម្លាំង ទៅបម្រើឱ្យវិស័យឯកជនឡើយ
ចន្លោះមិនឃើញ
នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភុមិន្ទ បានចេញបទបញ្ជាថ្មីស្តីពីការមិនអនុញ្ញាតឲ្យយកកងកម្លាំង និងមធ្យោបាយប្រើប្រាស់របស់កងយោធពលខេមរភូមិន្ទ ទៅបម្រើឲ្យវិស័យឯកជនឡើយ។ បទបញ្ជានេះ បានចេញកាលពីថ្ងៃទី៣ ខែកញ្ញា ឆ្នាំ២០១៩។
យោងតាមបទបញ្ជាបានបញ្ជាក់នូវចំណុចដូចខាងក្រោម៖
-មេបញ្ជាការប្រភេទទ័ពនិងទ័ពជំនាញ នាយកស្ថាប័ននិងសាលា ចំណុះអគ្គបញ្ជាការដ្ឋាន នៃកងយោធពលខេមរភូមិន្ទ ត្រូវគ្រប់គ្រងទ័ពរបស់ខ្លួនជាប់ជាប្រចាំ ភ្ជាប់នូវត្តមាន អវត្តមាន និងមិនអនុញ្ញាតឱ្យយកកម្លាំង មធ្យោបាយរបស់កងទ័ពទៅបម្រើការងារ ឬយាមការពារក្រុមហ៊ុន រោងចក្រ សហគ្រាសឯកជន និងបម្រើការងារបុគ្គលឯកជនឡើយ។
-ហាមស្លៀកពាក់ឯកសណ្ឋាន និងយកអាវុធចូលភោជនីយដ្ឋាន អគារលក់ទំនិញដែលប្រមូលផ្ដុំមហាជនប្រជាជនច្រើន និងក្លឹបកំសាន្ត ដែលនាំឱ្យបាត់សណ្តាប់ធ្នាប់ និងវិន័យកងយោធពលខេមរភូមិន្ទ លើកលែងពេលប្រតិបត្តិការ។
-នាយកខុទ្ទកាល័យអគ្គបញ្ជាការដ្ឋាន មេបញ្ជាការប្រភេទទ័ពនិងទ័ពជំនាញ នាយកស្ថាប័ននិងសាលាចំណុះអគ្គបញ្ជាការដ្ឋាន ត្រូវចាត់តាំងអនុវត្តបទបញ្ជានេះឱ្យមានប្រសិទ្ធភាពខ្ពស់ៗ៕