ជប៉ុនជួបគ្រោះធម្មជាតិមួយទៀត ក្រោយព្យុះទីហ្វុងវាយប្រហារជិតតូក្យូ

2019-09-09 02:59:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ព្យុះទីហ្វុងមួយទៀតឈ្មោះ Faxai បានធ្វើការវាយប្រហារនៅវេលាម៉ោង ៥ព្រឹកថ្ងៃចន្ទនេះ ជិតទីក្រុងតូក្យូប្រទេសជប៉ុនដែលបណ្ដាលឲ្យមានភ្លៀងធ្លាក់ខ្លាំង និងខ្យល់បក់ក្នុងល្បឿន ២១០គីឡូម៉ែត្រក្នុងមួយម៉ោង។

យោងតាមភ្នាក់ងារសារព័ត៌មានជាតិជប៉ុនឲ្យដឹងថា ប្រជាជនរាប់ពាន់នាក់ដែលរស់នៅជិតទីក្រុងតូក្យូ និងតំបន់ក្បែរនោះ ត្រូវបានប្រកាសឲ្យជម្លៀសខ្លួនជាបន្ទាន់ដោយសារការព្យាករណ៍បង្ហាញថាល្បឿនខ្យល់ និងភ្លៀងអាចបំបែកកំណត់ត្រាមិនធ្លាប់មានក្នុងប្រវត្តិសាស្ត្រ។ ជាមួយគ្នាដែរ ប្រព័ន្ធដឹកជញ្ជូនបានរងផលប៉ះពាល់យ៉ាងខ្លាំងដោយជើងរថភ្លើងល្បឿនលឿនជាង ១០០ និងជើងហោះហើរជាង ១០០ ត្រូវបានលុបចោល។ លើសពីនេះទៀត ក្រុមហ៊ុនផ្គត់ផ្គង់អគ្គិសនី Tokyo Electric ឲ្យដឹងថាផ្ទះសម្បែងជាង ២៩០ ០០០ខ្នង ត្រូវបានកាត់ផ្ដាច់អគ្គិសនីនៅពេលដែលខ្យល់ព្យុះវាយប្រហារ។

គួរបញ្ជាក់ថា មកទល់ពេលនេះខ្យល់ព្យុះទីហ្វុង Faxai កំពុងធ្វើដំណើរទៅកាន់ភាគខាងជើងប្រទេសជប៉ុនក្នុងល្បឿ ២៥គីឡូម៉ែត្រក្នុងមួយម៉ោងខណៈពេលដែលប្រជាជនក្នុងទីក្រុង Kanagawa, Shizuoka និងអាណាខេត្តតូក្យូ ត្រូវបានប្រកាសឲ្យជម្លៀសខ្លួនចេញ៕