គ្រូជប៉ុន និយាយបែបនេះបញ្ជាក់ថា មិនហ៊ានមើលស្រាលមីយ៉ាន់ម៉ាឡើយ
- 2019-09-10 05:52:43
- ចំនួនមតិ 0 | ចំនួនចែករំលែក 0
គ្រូជប៉ុន និយាយបែបនេះបញ្ជាក់ថា មិនហ៊ានមើលស្រាលមីយ៉ាន់ម៉ាឡើយ
ចន្លោះមិនឃើញ
គ្រូបង្គោលក្រុមជម្រើសជាតិជប៉ុន លោក Hajime Moriyasu បាននិយាយថា ការប្រកួតជាមួយនឹងមីយ៉ាន់ម៉ា នឹងមានភាពតានតឹង ដោយសារតែក្រុមនេះ កំពុងតែរីកចម្រើនខ្លាំងក្នុងតំបន់អាស៊ី ជាពិសេសគឺលេងបានយ៉ាងល្អ កាលពីប្រកួតជាមួយម៉ុងហ្គោលី។
សូមជម្រាបថា នៅយប់នេះ មីយ៉ាន់ម៉ា នឹងបើកកីឡដ្ឋានខ្លួន ស្វាគមន៍ភ្ញៀវសាមួរ៉ៃជប៉ុន ក្នុងវគ្គជម្រុះ World Cup 2022 ពូល F ជើងទី២។ ប៉ុន្តែនេះជាការប្រកួតលើកដំបូងរបស់ជប៉ុន។ កាលពីប្រកួតបើកឆាក ក្រុមមីយ៉ាន់ម៉ា បានចាញ់ ម៉ុងហ្គោលី ០-១។
ថ្លែងក្នុងសន្និសីទកាសែតម្សិលមិញ លោក Hajime Moriyasu បានលើកឡើងថា៖ «អ្វីៗសុទ្ធតែអាចកើតឡើងនៅក្នុងការប្រកួតនេះ។ នេះជាការប្រកួតក្រៅដីសម្រាប់យើង ហើយវានឹងមានការលំបាក។ ប៉ុន្តែយើងនឹងព្យាយាមលេងឱ្យបានល្អ ហើយខ្ញុំជឿជាក់ថា កីឡាកររបស់ខ្ញុំ នឹងខិតខំលេងអស់ពីសមត្ថភាពអំឡុងការប្រកួតនេះ»៕