ឧត្តមសេនីយ៍ឯក ឆាយ គឹមខឿន៖ មនុស្ស៦នាក់ត្រូវចាប់ខ្លួន ពាក់ព័ន្ធនឹងការប៉ុនប៉ងផ្តួលរំលំរាជរដ្ឋាភិបាល

2019-09-16 06:12:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកនាំពាក្យអគ្គស្នងការដ្ឋាននគរបាលជាតិ លោកឧត្តមសេនីយ៍ឯក ឆាយ គឹមខឿន បានបញ្ជាក់ប្រាប់ [ខ្លីៗ] នៅព្រឹកថ្ងៃទី១៦ ខែកញ្ញា ឆ្នាំ២០១៩ថា រហូតមកដល់ពេលនេះ សមត្ថកិច្ចបានចាប់ខ្លួនមនុស្សចំនួន ០៦នាក់ ពាក់ព័ន្ធការធ្វើសកម្មភាពផ្សព្វផ្សាយផែនការត្រៀមលក្ខណៈប៉ុនប៉ងចង់ផ្តួលរំលំរាជរដ្ឋាភិបាលស្របច្បាប់ តាមរយៈការធ្វើបដិវត្តន៍ពណ៌ ការបង្កអសន្តិសុខបំពុលបរិយាកាសសង្គម។

លោកឧត្តមសេនីយ៍ឯក ឆាយ គឹមខឿន

លោកឧត្តមសេនីយ៍ឯក ឆាយ គឹមខឿន បានបញ្ជាក់យ៉ាងដូច្នេះថា៖ «**ការចាប់ខ្លួននេះ រហូតមកដល់ពេលនេះ មានចំនួន៦នាក់ហើយ ពាក់ព័ន្ធនឹងបុគ្គលដែលដើរផ្សព្វផ្សាយផែនការត្រៀមលក្ខណៈចង់ផ្តួលរំលំរាជរដ្ឋាភិបាល ចង់មកដណ្តើមយកអំណាចតាមរយៈការធ្វើបដិវត្តន៍ពណ៌ តាមរយៈការរៀបចំផែនការបង្កអសន្តិសុខសង្គម។ ហេតុនេះរាជរដ្ឋាភិបាល និងកម្លាំងសមត្ថកិច្ចមិនអាចអនុញ្ញាតឲ្យគាត់មកបង្កព្យុះភ្លៀងនៅពេលដែលស្រុកទេសកំពុងមានសន្តិភាពនោះបានទេ អ៊ីចឹងត្រូវតែបង្ក្រាបហើយ**»។

អ្នកទាំង៦នាក់ ដែលត្រូវចាប់ខ្លួនរួមមាន៖

១. ឈ្មោះ យ៉ាត ភារម្យ

២. ឈ្មោះ ទុំ ប៊ុនថន

៣. ឈ្មោះ យូ ចាន់ធានី

៤. ឈ្មោះ លី ម៉េងឃាង

៥. ឈ្មោះ លី លីន

៦. ឈ្មោះ ឈុន ថៃយុទ្ធ៕

អត្ថបទ៖ សោភា