គិតត្រឹម ៧ខែដើមឆ្នាំ ២០១៩ កម្ពុជាទទួលភ្ញៀវទេសចររុស្ស៊ីជាង ៣ម៉ឺន ៤ពាន់នាក់

2019-09-19 10:05:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅក្នុងឆ្នាំ២០១៨ កម្ពុជាបានទទួលទេសចររុស្ស៊ីប្រមាណជិត ៦៥ ០០០នាក់ កន្លងទៅ និងនៅរយៈពេល៧ខែ ដើមឆ្នាំ២០១៩ នេះ ទេសចររុស្ស៊ីបានមកទស្សនា កម្ពុជាមានប្រមាណជាង ៣៤ ០០០នាក់។

ក្នុងចំណោមតំបន់អាស៊ាន ប្រទេសថៃ វៀតណាម ឥណ្ឌូនេស៊ី (ពិសេសកោះបាលី) ជាប្រទេសទទួលបានទេសចររុស្ស៊ីច្រើនជាងគេ ហើយកម្ពុជាសង្ឃឹមថានឹងទទួលបានទេសចររុស្ស៊ីបន្ថែមទៀត តាមរយៈការតភ្ជាប់ជើងហោះហើរត្រង់មកខេត្តសៀមរាប និងតំបន់ឆ្នេរ ក៏ដូចជារាជធានីភ្នំពេញ។

កម្ពុជាបានស្នើដល់ រុស្សីដើម្បីជំរុញការហោះហើរត្រង់មកកម្ពុជា និងសហការជាមួយកម្ពុជា ក្នុងការផ្សព្វផ្សាយពីគោលដៅទេសចរណ៍កម្ពុជាទៅកាន់ទីផ្សារក្នុងប្រទេសរបស់ខ្លួន និងជំរុញកំណើនទេសចររុស្ស៊ី និងទេសចរមកពីប្រទេសទីបី ឱ្យមកទស្សនាកម្ពុជាកាន់តែច្រើនទៀត។ ការស្នើនេះដែរធ្វើឡើងក្នុងជំនួបរវាង លោក ថោង ខុន រដ្ឋមន្ត្រីក្រសួងទេសចរណ៍ បានអញ្ជើញជួបជាមួយប្រតិភូស្ថានទូតរុស្ស៊ីប្រចាំកម្ពុជា ដឹកនាំដោយលោក ឌីមីទ្រី ស្វឺតខូវ (Dmitry Tsvetkov) ឯកអគ្គរដ្ឋទូតរុស្ស៊ីប្រចាំកម្ពុជា កាលពីថ្ងៃទី១៩ ខែកញ្ញា ឆ្នាំ២០១៩ នៅទីស្ដីការក្រសួងទេសចរណ៍៕

ចុចអាន៖

អត្ថបទ៖ ម៉េងងី