Ajax ដាក់មួយឃ្លាយ៉ាងខ្លី ឌឺក្រុមអេស្ប៉ាញខ្លាំងណាស់!

2019-10-03 03:07:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមខ្លាំងមកពីហូឡង់ Ajax បានយកឈ្នះក្រុមប្រជៀវខ្មៅ Valencia ដោយលទ្ធផល ៣-០ កាលពីយប់មិញយកបាន ៣ ពិន្ទុបន្ថែម។ ក្រោយទទួលបានជយជម្នះលើក្រុមម្ចាស់ផ្ទះបែបនេះ Admin ទំព័រផ្លូវការ AFC Ajax ទាំងនៅលើ Facebook, IG និង Twitter បានផុសអបអរសាទរដោយសរសេរពាក្យយ៉ាងខ្លី តែអត្ថន័យឌឺដង។

Donny Van de Beek ពេលរកគ្រាប់បាល់បាន

**សារនោះគឺ “៩០+៣ ក្រុមយើងចូលចិត្តលេងនៅអេស្ប៉ាញណាស់”។** រំឮកដែរថា Ajax រដូវកាលមុន អាចឡើងដល់វគ្គពាក់កណ្ដាលផ្ដាច់ព្រ័ត្រ Champions League ដោយលុតក្រុមបងធំអេស្ប៉ាញ Real Madrid ៣ គ្រាប់ក្នុងដី(សរុបទាំង ២ ជើងគឺ ៤- ១) ជាលទ្ធផលដែលគ្រប់គ្នាមិននឹកស្មានដល់។ យ៉ាងណាមិញ Ajax ចាញ់ Spurs អស់ឱកាសឡើងវគ្គផ្ដាច់ព្រ័ត្រ។

ចំណែក ៣ គ្រាប់ដ៏ល្អយប់មិញ នៅទឹកដី Valencia នោះរកបានដោយកីឡាករឆ្នើម Hakim Ziyech អូសចេញពីស្លាបស្ដាំស៊ុតកោងចូលយ៉ាងស្អាត និងម្នាក់មួយគ្រាប់ទៀតរកបានដោយកីឡាករ Quincy Promes និងខ្សែបម្រើវ័យ ២២ ឆ្នាំ Donny van de Beek បានជួយឲ្យ Ajax កាន់កំណត់ត្រាល្អមិនទាន់មានក្រុមណាស៊ុតចូលបានមួយគ្រាប់នៅឡើយទេវគ្គសន្សំពិន្ទុក្នុងពូល UCL ផ្ទុយទៅវិញ Ajax លេង ២ ប្រកួតស៊ុតគេ ៦ គ្រាប់បាន ៦ ពិន្ទុពេញកំពុងឈរលេខ ១ ក្នុងពូល H។

ទស្សនាវីដេអូហាយឡាយខាងក្រោម៖