ប្រធានាធិបតីប្រទេសមួយ ត្រូវបានអាមេរិកចោទថាជួយអ្នករត់ពន្ធគ្រឿងញៀន

2019-10-03 03:44:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីប្រទេសហុងឌុយរ៉ាស់ Juan Orlando Hernández ត្រូវបានរដ្ឋអាជ្ញាសហរដ្ឋអាមេរិកចោទថាបានជួយការពារប្អូនប្រុសរបស់លោក ដែលអតីតអ្នកនយោបាយ លោក Juan Antonio “Tony” Hernández ក្នុងការនាំម្សៅកូកាអ៊ីនរាប់តោនចូលសហរដ្ឋអាមេរិកក្នុងរយៈពេលប៉ុន្មានឆ្នាំនេះ។

លោក Juan Orlando Hernández

ក្នុងសេចក្ដីថ្លែងការណ៍បើកសវនាការ រដ្ឋអាជ្ញាសហរដ្ឋអាមេរិក លោក Jason Richman បានចោទបងប្អូនទាំងពីរនាក់នេះធ្លាប់បានទទួលប្រាក់សំណូកដោយផ្ទាល់ពី ស្ដេចរត់ពន្ធគ្រឿងញៀនម៉ិកស៊ិក Joaquin “El Chapo” Guzman។

លោក Antonio "Tony" Hernández

ក្នុងសារមួយបង្ហោះចូលបណ្ដាញសង្គម Twitter លោក Juan Orlando Hernández បានសរសេរថាវាគឺ ១០០% មិនពិត មិនសមហេតុផល មិនគួរឲ្យជឿ ថាលោកបានទទួលប្រាក់សំណូកពីអ្នករត់គ្រឿងញៀន។ លោក Richman បាននិយាយថា លោក Tony Hernández គឺជាតួអង្គដ៏សំខាន់មួយក្នុងសមាគមឧបត្ថម្ភដោយរដ្ឋដែលមានភាពស្មុគស្មាញដែលដំណើរការដោយជំនួយពីមន្ត្រីរដ្ឋាភិបាល មន្ត្រីយោធា មន្ត្រីប៉ូលិស ពុករលួយ។

លោក Richman បានបន្តទៀតថា លោក Tony Hernández បានមានភាពអំនួត ដោយលោកបានគិតថាគេមិនអាចចាប់គាត់ទេ ហើយក៏ចាប់ផ្ដើមដាក់ឈ្មោះរបស់លោកនៅលើកញ្ចប់ម្សៅកូកាអ៊ីន និងអួតពីឃ្លាំងអាវុធខុសច្បាប់របស់គាត់។

លោក Juan Orlando Hernádez កំពុងនិយាយនៅមហាសន្និបាតអង្គការសហប្រជាជាតិ

នៅក្នុងការថ្លែងសុន្ទរកថាចំពោះមុខមហាសន្និបាតអង្គការសហប្រជាជាតិ កាលពីថ្ងៃទី២៥ ខែកញ្ញា ឆ្នាំ២០១៩ លោក Juan Orlando Hernández បាននិយាយការតស៊ូប្រឆាំងនឹងអំពើឧក្រិដ្ឋកម្ម បាននាំឲ្យគាត់ក្លាយជាគោលដៅនៃយុទ្ធនាការលាបពណ៌ ដឹកនាំដោយអ្នករត់ពន្ធគ្រឿងញៀន ក្រុមបងធំ ប៉ូលិសពុករលួយ អ្នកជំនួញឃុបឃិតជាមួយឧក្រិដ្ឋជនទាំងនេះ៕

ប្រភព៖ Reuters ប្រែសម្រួល៖ សុខ វេងឈាង