រកឃើញក្រុមខ្លាំង ៤ កក់កៅអីលេង Euro 2020 ហើយស្រេចក្រោយលត់គូប្រជែងទក់សាច់!

2019-10-14 02:15:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិបែលហ្សិក អ៊ីតាលី និងរុស្ស៊ី សុទ្ធតែរកបានដល់លើស ២០ ពិន្ទុក្នុងការប្រកួតជម្រុះ និងមួយក្រុមទៀតគឺ ប៉ូឡូយ រកបាន ១៩ ពិន្ទុ ជាក្រុមទី ៤ ដែលមានឈ្មោះស្វ័យប្រវត្តិដំបូងគេឡើងទៅលេងជុំបន្ទាប់នៃព្រឹត្តិការណ៍ UEFA Euro 2020 ខណៈក្រុមខ្លាំងផ្សេងទៀតកំពុងរង់ចាំដល់ចប់ ការប្រកួតវិលជុំ។

កីឡាករក្រុមបាល់ទាត់ជម្រើសជាតិបែលហ្សិក

ឆ្លងកាត់ ៨ ប្រកួតបែលហ្សិក ឈ្នះទាំងអស់ ដោយស៊ុតចូលគេ ២៩ គ្រាប់មាន ២៤ ពិន្ទុ ប្រកួតឈ្នះគ្រាប់ច្រើនបំផុតក្នុងពូលគឺកាលប៉ះជាមួយសាន់ម៉ារីណូ (៩-០)។ ចំណែក រុស្ស៊ីនៅពូល I ជាមួយបែលហ្សិក ឈ្នះទាំងអស់ដូចគ្នាស៊ុតចូលគេ ២៣ គ្រាប់មាន ២១ ពិន្ទុ ប្រកួតឈ្នះគ្រាប់ច្រើនបំផុតក្នុងពូលជាមួយ ស៊ីប (៥-០)។

verratti កីឡាករក្រុមបាល់ទាត់ជម្រើសជាតិអ៊ីតាលី

រីឯក្រុមបាល់ទាត់អ៊ីតាលី នៅពូល J ក៏មិនធម្មតាដែរដោយ ៨ ប្រកួតឈ្នះទាំងអស់ ស៊ុតចូល ១៧ គ្រាប់មាន ២១ ពិន្ទុ ប្រកួតឈ្នះគ្រាប់ច្រើនបំផុតក្នុងពូល កាលប៉ះជាមួយ អាមេនី (៣-១)។

សូមបញ្ជាក់ដែរថា ព្រឹត្តិការណ៍ UEFA Euro 2020 ជាលើកទី ១៦ នេះនឹងធ្វើឡើងនៅកីឡដ្ឋានចំនួន ១២ ផ្សេងគ្នាក្នុងប្រទេសតំបន់អឺរ៉ុប(១២ មិថុនា ដល់ ២០ កក្កដាឆ្នាំ ២០២០)។ ចំណែកថ្ងៃបើកការប្រកួត នឹងធ្វើនៅកីឡដ្ឋាន Stadio Olimpico ទីក្រុងរ៉ូមប្រទេសអ៊ីតាលី ខណៈដែលប្រទេសកាពារតំណែងជើងឯកគឺ ព័រទុយហ្គាល់៕