ឃើញសំបុត្ររបស់លោកត្រាំហើយ ប្រធានាធិបតីតួកគី នឹងចុកចាប់

2019-10-17 03:52:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងសំបុត្រមួយដែលប្រធានាធិបតីអាមេរិក លោក ដូណាល់ ត្រាំ ផ្ញើទៅកាន់ប្រធានាធិបតីតួកគី លោក Recep Tayyip Erdogan គឺមានការសរសេរស្តីបន្ទោសធ្ងន់ៗ មិនតែប៉ុណ្ណោះលោកត្រាំបានប្រើពាក្យមិនសមរម្យទៀតផង។ សំបុត្រនេះត្រូវបានចុះហត្ថលេខាកាលពីថ្ងៃទី៩ ខែតុលា ឆ្នាំ២០១៩ ប៉ុន្តែទើបតែបែកធ្លាយនៅលើបណ្តាញសង្គមទ្វីតធើ នៅថ្ងៃទី១៧ ខែតុលា ឆ្នាំ២០១៩។

លោកត្រាំ បានសរសេរយ៉ាងដូច្នេះថា៖

«អ្នកមិនចង់ទទួលខុសត្រូវចំពោះការសម្លាប់មនុស្សរាប់ម៉ឺននាក់ ហើយខ្ញុំមិនចង់ទទួលខុសត្រូវចំពោះការបំផ្លាញសេដ្ឋកិច្ចរបស់តួកគីឡើយ»។

«ខ្ញុំបានធ្វើការយ៉ាងលំបាកក្នុងការដោះស្រាយបញ្ហារបស់អ្នក។ កុំធ្វើឱ្យពិភពលោកធ្លាក់ចុះ។ អ្នកនឹងអាចធ្វើការដោះស្រាយបានយ៉ាងល្អ។ មេបញ្ជាការ Mazloum (មេដឹកនាំយោធាឃឺដ) មានឆន្ទៈចង់ចរចាជាមួយអ្នក ហើយគាត់នឹងធ្វើសម្បទាននូវអ្វីដែលពួកគេមិនដែលធ្វើពីមុនមកឡើយ»។

«ប្រវត្តិសាស្រ្តនឹងសរសេរពីអ្នកនូវរឿងល្អៗ ប្រសិនបើអ្នកដោះស្រាយបាននូវបញ្ហានេះ ដោយមធ្យោបាយត្រឹមត្រូវ និងមនុស្សធម៌។ កុំធ្វើជាមនុស្សអាក្រក់ កុំធ្វើជាមនុស្សឆ្កួត»។

ការផ្ញើសំបុត្រនេះ ក្រោយពេលដែលអាមេរិក បានដកទ័ពចេញពីភាគខាងជើងស៊ីរី ដែលបណ្តាលឱ្យពួកឃឺដ ត្រូវទទួលរងការវាយប្រហារពីកងទ័ពតួកគី។ ឃឺដ គឺជាដៃគូដ៏សំខាន់របស់អាមេរិក នៅមជ្ឈិមបូព៌ា ក្នុងនោះពីឆ្នាំ២០០៣ ដល់ ២០១៧ ក្រុមនេះ បានជួយអាមេរិក ទម្លាក់របបសាដាម ហ៊ូសេន ប្រឆាំងក្រុមអាល់កៃដា និងវាយបណ្តេញក្រុម IS ចេញពីភាគខាងជើងអ៊ីរ៉ាក់ និងស៊ីរី៕

ចុចអាន៖

ប្រភព៖ Sputnik News ប្រែសម្រួល៖ សំភី