រដ្ឋមន្ត្រីយុត្តិធម៌៖ បេក្ខជនចំនួន ៤រូបជាប់ឆ្នោតជាសមាជិកឧត្តមក្រុមប្រឹក្សានៃអង្គចៅក្រម
- 2019-10-22 01:45:40
- ចំនួនមតិ 0 | ចំនួនចែករំលែក 0
រដ្ឋមន្ត្រីយុត្តិធម៌៖ បេក្ខជនចំនួន ៤រូបជាប់ឆ្នោតជាសមាជិកឧត្តមក្រុមប្រឹក្សានៃអង្គចៅក្រម
ចន្លោះមិនឃើញ
លោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការរៀបចំការបោះឆ្នោត សម្រាប់ការជ្រើសតាំងសមាជិកឧត្តមក្រុមប្រឹក្សានៃអង្គចៅក្រម បានឲ្យដឹងថា បេក្ខជនជាប់ឆ្នោតជាសមាជិកឧត្តមក្រុមប្រឹក្សា នៃអង្គចៅក្រម នៅក្នុងការបោះឆ្នោតកាលពីថ្ងៃទី១៩ និងថ្ងៃទី២០ ខែតុលា ឆ្នាំ២០១៩។
សម្រាប់ការជ្រើសតាំងសមាជិកឧត្តមក្រុមប្រឹក្សានៃអង្គចៅក្រម មានចំនួន ៤រូប រួមមាន៖
១-លោក ចាយ ច័ន្ទតារាវណ្ណ ជាសមាជិកឧត្តមក្រុមប្រឹក្សានៃអង្គចៅក្រម ជ្រើសតាំងដោយចៅក្រមនៃសាលាជម្រះក្តីជាន់ខ្ពស់។
២-លោក សេង ប៊ុនឃាង ជាសមាជិកឧត្តមក្រុមប្រឹក្សានៃអង្គចៅក្រម ជ្រើសតាំងដោយព្រះរាជអាជ្ញា នៃមហាអយ្យការអមសាលាជម្រះក្តីជាន់ខ្ពស់ និងព្រះរាជអាជ្ញាបម្រើការងារនៅក្រសួងយុត្តិធម៌។
៣-លោក អ៊ីវ បូរិន្ទ ជាសមាជិកឧត្តមក្រុមប្រឹក្សានៃអង្គចៅក្រម ជ្រើសតាំងដោយចៅក្រមពេញសិទ្ធិនៃសាលាដំបូងទូទាំងប្រទេស។
៤-លោក ស៊ា រតនៈ ជាសមាជិកឧត្តមក្រុមប្រឹក្សានៃអង្គចៅក្រម ជ្រើសតាំងដោយព្រះរាជអាជ្ញាពេញសិទ្ធិនៃអយ្យការអមសាលាដំបូងទូទាំងប្រទេស ។
នេះបើយោងតាមសេចក្តីប្រកាសអំពីលទ្ធផល នៃការបោះឆ្នោតសម្រាប់ការជ្រើសតាំងសមាជិកឧត្ដមក្រុមប្រឹក្សានៃអង្គចៅក្រម ដែលបានផ្សព្វផ្សាយជាសាធារណៈកាលពីថ្ងៃទី២១ ខែតុលា ឆ្នាំ២០១៩។
គួរបញ្ជាក់ថា លទ្ធផលនៃការបោះឆ្នោតជ្រើសតាំងសមាជិកឧត្តមក្រុមប្រឹក្សានៃអង្គចៅក្រម បានបង្ហាញថា សម្រាប់ការបោះឆ្នោត បេក្ខជនតំណាងចៅក្រមនៃសាលាជម្រះក្តីជាន់ខ្ពស់ រួមមាន៖
១-លោក ចាយ ច័ន្ទតារាវណ្ណ ទទួលបាន ២៦សំឡេង។
២-លោក ប្រាក់ គឹមសាន ទទួលបាន២០ សំឡេង។
សម្រាប់ការបោះឆ្នោត បេក្ខជនតំណាងព្រះរាជអាជ្ញានៃមហាអយ្យការអមសាលាជម្រះក្តីជាន់ខ្ពស់ រួមមាន៖
១-លោក ស៊ិន រិទ្ធ ទទួលបាន១៣សំឡេង។
២-លោក នៅ មុនីជោត ទទួលបាន០៥ សំឡេង។
៣-លោក ផាន់ វណ្ណរ័ត្ន ទទួលបាន ០៦ សំឡេង។
៤-លោក សេង ប៊ុនឃាង ទទួលបាន២០ សំឡេង។
៥-លោក អ៊ុន បូផា ទទួលបាន០១ សំឡេង ។
សម្រាប់ការបោះឆ្នោត បេក្ខជនតំណាងចៅក្រមនៃសាលាជម្រះក្តីជាន់ទាប មានដូចជា៖
១-លោក ទិតសុទ្ធី បូរ៉ាឆាត ទទួលបាន២៨សំឡេង។
២-លោក យាប់ មេត្តា ទទួលបាន៤៣ សំឡេង។
៣-លោក អ៊ីវ បូរិន្ទ ទទួលបាន១០៣ សំឡេង។
៤-លោក ម៉ុង មុនីសោភា ទទួលបាន២៦ សំឡេង។
៥-លោក ស៊ឹម ពិចិត្រ ទទួលបាន០៧ សំឡេង ។
សម្រាប់ការបោះឆ្នោត បេក្ខជនតំណាងព្រះរាជអាជ្ញានៃអយ្យការអមសាលាជម្រះក្តីជាន់ទាប មានដូចជា៖
១-លោក ស៊ា រតនៈ ទទួលបាន ៨២សំឡេង។
២-លោក វង្ស ប៊ុនវិសុទ្ធ ទទួលបាន៣៤ សំឡេង។
និង ៣-លោកស្រី កែវ សុគន្ធា ទទួលបាន០៣ សំឡេង៕