ក្រសួងប្រាប់ពីស្ថានភាពអាកាសធាតុនៅកម្ពុជា នាចុងខែតុលានេះ

2019-10-24 01:46:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងធនធានទឹក និងឧតុនិយម បានចេញសេចក្ដីប្រកាសពីការតាមដានស្ថានភាពអាកាសធាតុប្រចាំក្នុងតំបន់ និងដោយឡែកសម្រាប់ប្រទេសកម្ពុជា បានបង្ហាញឲ្យឃើញថា ជ្រលងនៃសម្ពាធខ្ពស់ខ្សោយពីប្រទេសចិន បាននឹងកំពុងគ្រប់ដណ្ដប់មកលើកម្ពុជា។

លក្ខណៈបែបនេះ និងធ្វើឲ្យកម្ពុជាមានស្ថានភាព៖

១. ចាប់ពីថ្ងៃទី ២៨ ដល់ ៣១ ខែតុលា៖ ខេត្តឧត្តរមានជ័យ បន្ទាយមានជ័យ បាត់ដំបង ប៉ៃលិន សៀមរាប កំពង់ធំ ព្រះវិហារ ស្ទឹងត្រែង ក្រចេះ កំពង់ចាម ត្បូងឃ្មុំ រតនគិរី និងខេត្តមណ្ឌលគិរី និងមានភ្លៀងធ្លាក់ដោយអន្លើ នៅក្នុងកម្រិតបរិមាណ ពីខ្សោយទៅតិច។

២. ចាប់ពីថ្ងៃទី ២៥ ដល់ ៣១ ខែតុលា៖ ខេត្តពោធិ៍សាត់ កំពង់ឆ្នាំង កំពង់ស្ពឺ កណ្ដាល តាកែវ ព្រៃវែង ស្វាយរៀង រាជធានីភ្នំពេញ និងខេត្តនៅតំបន់មាត់សមុទ្រ នឹងអាចមានភ្លៀងធ្លាក់ដោយអន្លើ ក្នុងកម្រិតបរិមាណពីតិចទៅមធ្យម។

អាស្រ័យតាមស្ថានភាពខាងលើនេះ សូមបងប្អូនប្រជាពលរដ្ឋជ្រាប់ជាព័ត៌មាន និងមានការប្រុងប្រយ័ត្នចំពោះ បាតុភូតផ្គរ រន្ទះ និងខ្យល់កន្ត្រាក់ ដែលអាចនៅកើតមាន ជាពិសេសបណ្ដាលខេត្តនៅតាមវាលទំនាបភាគខាងក្រោម៕

អត្ថបទ៖ ម៉េងងី