នេះជាចំនួនលុយដែលរាជរដ្ឋាភិបាលកំណត់ឱ្យខ្ចីពីបរទេស នៅឆ្នាំ២០២០

2019-10-25 09:17:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រាជរដ្ឋាភិបាលកម្ពុជា បានកំណត់ទំហំនៃការខ្ចីប្រាក់ពីដៃគូអភិវឌ្ឍន៍សម្រាប់ឆ្នាំ២០២០ ក្នុងកម្រិត ១៤០០ លាន SDR (១ SDR = ៥៥៧៣,៨៣រៀល)។ នេះបើតាមសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២០។

ការកំណត់នេះ គឺរាជរដ្ឋាភិបាលសំអាងទៅលើទិដ្ឋភាពសំខាន់ៗគឺ៖

១. កំណើនតម្រូវការទុនវិនិយោគដ៏គំហុក ក្នុងវិស័យហេដ្ឋារចនាសម្ព័ន្ធ និងសេវាសាធារណៈ ទាំងទំហំ បរិមាណ និងគុណភាព សម្រាប់ជំរុញការហក់ឡើងនៃសេដ្ឋកិច្ចនៅក្នុងដំណាក់កាលថ្មី និងក្នុងបរិបទនៃភាពមិនច្បាស់លាស់។

រូបថត៖ ក្រសួងសាធារណការ និងដឹកជញ្ជូន

២. គម្រោងអភិវឌ្ឍន៍ដែលនឹងចុះកិច្ចព្រមព្រៀងឥណទានសម្បទានក្នុងឆ្នាំ២០២០ គឺជាគម្រោងវិនិយោគសាធារណៈក្នុងវិស័យអាទិភាព ( ហេដ្ឋារចនាសម្ព័ន្ធរូបវ័ន្ត ការបង្កើនផលិតភាពសេដ្ឋកិច្ច និងផលិតភាពផលិតកម្ម) ហើយដែលចេះតែរំកិលពីឆ្នាំមុនៗមក តែមានចរិតយុទ្ធសាស្រ្តក្នុងការទ្រទ្រង់ដល់ចីរភាពនៃកំណើនសេដ្ឋកិច្ចក្នុងរយៈពេលមធ្យម និងវែង។

៣. សុទ្ធសឹងតែជាឥណទានដែលមានកម្រិតសម្បទានខ្ពស់

៤. ស្ថានភាពបំណុលសាធារណៈកម្ពុជាបច្ចុប្បន្ន និងក្នុងរយៈពេលមធ្យម និងវែង នៅតែមានចីរភាព និងហានិភ័យកម្រិតទាប

៥. ការបន្តបង្កើនប្រសិទ្ធភាពខ្ពស់ ក្នុងការគ្រប់គ្រង និងការអនុវត្តគម្រោង។

ក្នុងសេចក្តីព្រាងច្បាប់នេះបន្ថែមថា ទំហំនៃការខ្ចីនេះ នឹងមិនបង្កើតជាបន្ទុកបំណុលវ័ណ្ឌករដល់កម្ពុជា ព្រោះថានៅពេលសេដ្ឋកិច្ចមានការរីកចម្រើននោះ សមត្ថភាពសងរបស់កម្ពុជាក៏ខ្ពស់ជាងមុនដែរ៕

អត្ថបទ៖ សំភី