លោក វ៉ា គឹមហុង បានបញ្ជាក់​ថា រាជរដ្ឋាភិបាលកម្ពុជានិងរដ្ឋាភិបាលនៃសាធារណរដ្ឋសង្គម និយម​វៀតណាម បានចុះហត្ថលេខាលើសន្ធិសញ្ញាបំពេញ បន្ថែម​រវាង​ព្រះ​រាជាណា​ចក្រ​កម្ពុជា​និង​សា​ធារ​ណ​រដ្ឋស​ង្គម និយម វៀត ណាម ទៅលើសន្ធិសញ្ញាកំណត់ព្រំដែនរដ្ឋឆ្នាំ ១៩៨៥ នៅ​រដ្ឋ​ធានី​ហាណូយ​នៃ​សាធា រណរដ្ឋសង្គមនិយម វៀត ណាមនាថ្ងៃទី ១០ ខែតុលា ឆ្នាំ ២០០៥។ លោក​ថ្លែង​ដូច្នេះ​នៅ​ក្នុង​កិច្ច​ប្រជុំព្រឹទ្ធសភា​នៅ​ព្រឹក​ថ្ងៃ​ទី ១៨ ខែ វិច្ឆិកា ២០១៩។

ឈរលើមូលដ្ឋាននៃសន្ធិសញ្ញាបំពេញ បន្ថែមខាងលើប្រទេសទាំងពីរ កម្ពុជា​និង​វៀត​ណាម​បាន​ដំណើរ​ការចុះបោះបង្គោលនិងខណ្ឌសីមាព្រំដែនគោក នៅលើដីជាក់ ស្តែងពីខេត្តរតនគិរី ដល់​ខេត្ត​កំពត ចាប់ពី ខែ​មិថុនា ឆ្នាំ២០០៦ ដល់ខែកក្កដា ឆ្នាំ ២០១៩ សម្រេចបានលទ្ធផល៨៤% ​នៃ​បង្គោល​ព្រំដែន​ធំ​ដែល​មាន​ចំនួន៣៧៥ បង្គោល លើដីជាក់ស្តែងដែលបានបោះ នៅ​តាម​បណ្តោយ​ខ្សែ​ព្រំដែន​រួម​រវាងប្រទេសទាំងពីរ ដែលមានប្រវែងប្រមាណ ជាង១២៧០ គីឡូម៉ែត្រ។

លទ្ធផលដែលសម្រេចបានមានដូចខាងក្រោម៖

• បង្គោលព្រំដែនធំចំនួន៣១៥ បង្គោល ស្មើនឹង៨៤% នៃបង្គោលព្រំដែនសរុបចំនួន៣៧៥ បង្គោល ។
• បង្គោលខណ្ឌសីមាព្រំដែនចំនួន១ ៥១១ ស្មើនឹង ៩៩,៩% បើបង្គោល១ ៥១២ នៃផែនការ(ក្នុងនោះកម្ពុជាបោះលេខសេសចំនួន៧៩១ វៀតណាមបោះលេខតូ ចំនួន៧២១ បង្គោល)។
• បង្គោលតម្រុយព្រំដែនចំនួន២២១ ស្មើនឹង ១០០% នៃផែនការ(ក្នុងនោះ កម្ពុជាបោះលេខសេសចំនួន១២៦ បង្គោល វៀតណាមបោះលេខគូ ចំនួន៩៥ បង្គោល)។
• ចំណុចពិសេសចំនួន១ ០០០៕