ក្រុមអ៊ីតាលី បាន​លត់ក្រុម​អាមេនី ក្នុង​លទ្ធផល ៩-១ ក្នុង​វគ្គជម្រុះ EURO 2020 ពូលJ ជុំទី១០ ដែល​ជាជុំចុងក្រោយ កាលពីយប់មិញនេះ។

លទ្ធផលនេះ ធ្វើឱ្យអ៊ីតាលី មាន​កំណត់ត្រា​ដ៏ល្អបំផុត ក្នុងវគ្គជម្រុះនេះ ពោលគឺ ១០ប្រកួត ឈ្នះទាំង១០ប្រកួត។ មួយទៀត ការស៊ុតចូលដល់ទៅ ៩គ្រាប់នេះ ក៏ជាគ្រាប់បាល់ច្រើនបំផុត​លើកដំបូង​របស់​ក្រុមនេះផងដែរ បន្ទាប់ពីស៊ុតចូលអាមេរិក ក្នុងការប្រកួតមិត្តភាព ដោយលទ្ធផល ៩-០ កាលពីឆ្នាំ១៩៤៨។

ក្នុងពូលនេះ អ៊ីតាលី ឈរលេខ១ មាន ៣០ពិន្ទុ, ហ្វាំងឡង់លេខ២ មាន១៨ពិន្ទុ ដោយ២ក្រុមនេះ បាន​កក់កៅអី ទៅលេង​វគ្គផ្តាច់ព្រ័ត្រ EURO 2020។ ក្រិច លេខ៣ មាន ១៤ពិន្ទុ, បូស្នី លេខ៤ មាន ១៣ពិន្ទុ, អាមេនី លេខ៥ មាន ១០ពិន្ទុ និង​លីតិចស្តាញ លេខ៦ មាន ២ពិន្ទុ៕

សូមទស្សនាវីដេអូ៖