​កីឡាករប្រធានក្រុម Lionel Messi អាចរកបាន ៣ គ្រាប់ក្នុងចំណោម ៥ គ្រាប់ដែលក្រុម Barcelona ឈ្នះលើក្រុម RCDMallorca ៥-២ ក្នុងកីឡដ្ឋាន Camp Nou ។

ការ​រកបាន Hat-trick លើកទី ៣៥ ក្នុង​អាជីពរបស់ Messi នេះដែរគឺជាកំណត់ត្រាច្រើនបំផុត ពោលគឺច្រើនជាងកីឡាករក្រុមដទៃដែលលេងនៅលីគកំពូលអេស្ប៉ាញ។ ខណៈដែល Cristiano Ronaldo ដែលជាអតីតម៉ាស៊ីនរកគ្រាប់បាល់ឲ្យ Real Madrid អាចធ្វើបាន Hat-trick ចំនួន ៣៤ ដង(បង្ហាញខ្លួន ២៨៨ ប្រកួត) Messi បង្ហាញខ្លួន ៤៦២ ប្រកួត(១៦ រដូវកាល)។

ចំណែកលទ្ធផល Top 3 បច្ចុប្បន្ន Bacelona នៅកំពូលតារាងដដែលមាន ៣៤ ពិន្ទុស្មើនឹង Real Madrid (គ្រាប់ស៊ុតតិចជាង) Sevilla មាន ៣០ ពិន្ទុកំពុងប្រជែងគ្នាកៀកកិតដែរ។

ទស្សនាវីដេអូហាយឡាយខាងក្រោម(Watch on YouTube)៖

ក្រោយរកបាន ៣ គ្រាប់បន្ថែមយប់មិញនេះជួយឲ្យ Messi សន្សំបាន ១២ គ្រាប់រំកិលខ្លួនទៅឈរលើគេក្នុងចំណោមកីឡាកររកបានគ្រាប់ជាបន្តបន្ទាប់ ឯ Karim Banzema របស់ Real Madrid ដែលកំពុងឡើងជើងដែរនោះជាប់លេខ ២ រកបាន ១១ គ្រាប់(គិតត្រឹមសប្ដាហ៍ទី ១៦)៕