គួរទៅឲ្យស្គាល់ម្ដង! ទឹកធ្លាក់ឱម៉ាល់ ទេសភាព​ស្អាតខ្លាំង បង្កប់​ខ្លួន​ក្នុង​ជ្រលង​ភ្នំក្នុង​ខេត្ត​កំពត

  • 2019-12-30 03:18:48
  • ចំនួនមតិ 28 | ចំនួនចែករំលែក 9

ចន្លោះមិនឃើញ

ទឹកធ្លាក់ឱម៉ាល់ ស្ថិតនៅប៉ែកខាងកើតនៃជម្រាលភ្នំបូកគោ ឬឧទ្យានជាតិព្រះមុនីវង្ស តាមបណ្ដោយផ្លូវទៅកាន់រមណីយដ្ឋានទឹកឈូ ខេត្តកំពត។ ដើម្បីទៅកាន់ទឹកធ្លាក់ឱម៉ាល់ ភ្ញៀវទេសចរណ៍អាចធ្វើដំណើរតាមផ្លូវលំ ទល់មុខក្លោងទ្វារវត្តស្នំប្រាំ៧ រួចបន្តដំណើរតាមជម្រាលភ្នំជាង៤គីឡូម៉ែត្រ ដែលមានក្រាលបេតុងដោយអន្លើរ តាមមធ្យោបាយម៉ូតូ ឬថ្មើរជើងកាន់តែល្អ ព្រោះសភាពផ្លូវមានលក្ខណៈតូច បត់បែន និងចោតបន្តិច។

ក្នុងដំណើរឡើងទៅកាន់ទឹកធ្លាក់ឱម៉ាល់ យើងអាចស្ដាប់ឮសន្ធឹកខ្សែទឹកហូរតាំងពីជើងភ្នំ អមជាមួយដោយសំឡេងសត្វយំល្វើយៗ ព្រមទាំងបានគយគន់រុក្ខជាតិខៀវខ្ចី និងចម្ការដំណាំហូបផ្លែជាច្រើនប្រភេទ។ នៅតាមផ្លូវ ជាញឹកញាប់យើងតែងប្រទះគ្នាជាមួយអ្នកចំការដឹកចេកចុះពីភ្នំសួរស្វាគមន៍ភ្ញៀវទេសចរណ៍ជាមួយទឹកមុខរួសរាយរាក់ទាក់។ បន្តដំណើរសរសៀរតាមចង្កេះភ្នំ យើងក៏អាចមើលឃើញទឹកធ្លាក់នៅខាងឆ្វេងដៃហូររណ្ដំជាមួយដុំថ្មតូចធំ តម្រៀមគ្នាក្នុងជ្រលងអូរ។ ទាំងអស់នេះប្រៀបបីដូចជាថាមពលជំនួយដល់អ្នកដំណើរឲ្យបាត់អស់ភាពនឿយហត់។

មិនគ្រាន់តែជាទស្សនីយភាពធម្មជាតិដែលបង្អួតរាងក្នុងជ្រលងបុព្វតា ទឹកធ្លាក់ឱម៉ាល់ប្រៀបបីដូចបណ្ដូលជីវិតនៃដំណាំគ្រប់ប្រភេទនៅតាមជម្រាលភ្នំ ហើយក៏ជាបង្អែកដែលមិនអាចខ្វះបានសម្រាប់ភាវៈមានជីវិតដែលអាស្រ័យនឹងទឹកដងអូនេះ។ ខ្សែទឹកហូរកាត់ជ្រលងភ្នំ ខណ្ឌចែកចំការដំណាំជាពីរផ្នែក ម្ខាងខាងត្បូង និងម្ខាងទៀតខាងជើង។ បន្ទាប់មកទឹកដែលមានប្រភពពីកំពូលភ្នំបូកគោប្រឹងហូរជំនះឧបសគ្គសព្វបែបយ៉ាង ទម្លាក់ខ្លួនយ៉ាងទន់ភ្លន់ចូលទៅក្នុងដងព្រែកកំពត មុននឹងរំលាយខ្លួនចូលទៅកាន់លំហសមុទ្រដ៏ធំធេង៕

សូមទស្សនា​វីដេអូ "ផ្លូវទៅស្រុក វគ្គ៣" ដូចខាងក្រោមនេះ៖

ផ្លូវទៅស្រុក វគ្គ៣ នាំមកជូនដោយធនាគារអេស៊ីលីដា ភីអិលស៊ី សហការដោយ Asian Kitchen, ហាងនំប៉័ង TOUS les JOURS, Lotteria និង Domino's Pizza និងគាំទ្រដោយក្រសួងទេសចរណ៍៕

ចុចអាន៖

ទឹកធ្លាក់ឱម៉ាល់ ស្ថិតនៅប៉ែកខាងកើតនៃជម្រាលភ្នំបូកគោ ឬឧទ្យានជាតិព្រះមុនីវង្ស តាមបណ្ដោយផ្លូវទៅកាន់រមណីយដ្ឋានទឹកឈូ ខេត្តកំពត។ ដើម្បីទៅកាន់ទឹកធ្លាក់ឱម៉ាល់ ភ្ញៀវទេសចរណ៍អាចធ្វើដំណើរតាមផ្លូវលំ ទល់មុខក្លោងទ្វារវត្តស្នំប្រាំ៧ រួចបន្តដំណើរតាមជម្រាលភ្នំជាង៤គីឡូម៉ែត្រ ដែលមានក្រាលបេតុងដោយអន្លើរ តាមមធ្យោបាយម៉ូតូ ឬថ្មើរជើងកាន់តែល្អ ព្រោះសភាពផ្លូវមានលក្ខណៈតូច បត់បែន និងចោតបន្តិច។

ក្នុងដំណើរឡើងទៅកាន់ទឹកធ្លាក់ឱម៉ាល់ យើងអាចស្ដាប់ឮសន្ធឹកខ្សែទឹកហូរតាំងពីជើងភ្នំ អមជាមួយដោយសំឡេងសត្វយំល្វើយៗ ព្រមទាំងបានគយគន់រុក្ខជាតិខៀវខ្ចី និងចម្ការដំណាំហូបផ្លែជាច្រើនប្រភេទ។ នៅតាមផ្លូវ ជាញឹកញាប់យើងតែងប្រទះគ្នាជាមួយអ្នកចំការដឹកចេកចុះពីភ្នំសួរស្វាគមន៍ភ្ញៀវទេសចរណ៍ជាមួយទឹកមុខរួសរាយរាក់ទាក់។ បន្តដំណើរសរសៀរតាមចង្កេះភ្នំ យើងក៏អាចមើលឃើញទឹកធ្លាក់នៅខាងឆ្វេងដៃហូររណ្ដំជាមួយដុំថ្មតូចធំ តម្រៀមគ្នាក្នុងជ្រលងអូរ។ ទាំងអស់នេះប្រៀបបីដូចជាថាមពលជំនួយដល់អ្នកដំណើរឲ្យបាត់អស់ភាពនឿយហត់។

មិនគ្រាន់តែជាទស្សនីយភាពធម្មជាតិដែលបង្អួតរាងក្នុងជ្រលងបុព្វតា ទឹកធ្លាក់ឱម៉ាល់ប្រៀបបីដូចបណ្ដូលជីវិតនៃដំណាំគ្រប់ប្រភេទនៅតាមជម្រាលភ្នំ ហើយក៏ជាបង្អែកដែលមិនអាចខ្វះបានសម្រាប់ភាវៈមានជីវិតដែលអាស្រ័យនឹងទឹកដងអូនេះ។ ខ្សែទឹកហូរកាត់ជ្រលងភ្នំ ខណ្ឌចែកចំការដំណាំជាពីរផ្នែក ម្ខាងខាងត្បូង និងម្ខាងទៀតខាងជើង។ បន្ទាប់មកទឹកដែលមានប្រភពពីកំពូលភ្នំបូកគោប្រឹងហូរជំនះឧបសគ្គសព្វបែបយ៉ាង ទម្លាក់ខ្លួនយ៉ាងទន់ភ្លន់ចូលទៅក្នុងដងព្រែកកំពត មុននឹងរំលាយខ្លួនចូលទៅកាន់លំហសមុទ្រដ៏ធំធេង៕

សូមទស្សនា​វីដេអូ "ផ្លូវទៅស្រុក វគ្គ៣" ដូចខាងក្រោមនេះ៖

ផ្លូវទៅស្រុក វគ្គ៣ នាំមកជូនដោយធនាគារអេស៊ីលីដា ភីអិលស៊ី សហការដោយ Asian Kitchen, ហាងនំប៉័ង TOUS les JOURS, Lotteria និង Domino's Pizza និងគាំទ្រដោយក្រសួងទេសចរណ៍៕

ចុចអាន៖

ប្រែសម្រួល៖ ឈិន មិថុនា

;