ក្រោមបញ្ជាត្រាំ! អាមេរិក សម្លាប់មេទ័ពកំពូលអ៊ីរ៉ង់បានសម្រេច

2020-01-03 06:50:59
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មេបញ្ជាការកំពូលអ៊ីរ៉ង់ នាយឧត្តមសេនីយ៍ Qassem Soleimani ត្រូវបានសម្លាប់ក្នុងហេតុការណ៍វាយប្រហារតាមអាកាសរបស់អាមេរិក ក្រោមបញ្ជារបស់រដ្ឋបាល ដូណាល់ ត្រាំ កាលពីថ្ងៃទី២ ខែមករា ឆ្នាំ២០២០។

ការវាយប្រហារសងសឹករបស់អាមេរិកខាងលើនេះ ធ្វើឡើងមួយថ្ងៃប៉ុណ្ណោះបន្ទាប់ពីក្រុមឧទ្ទាមដែលមានការគាំទ្រពីអ៊ីរ៉ង់ បានវាយប្រហារទៅលើស្ថានទូតអាមេរិកក្នុងទីក្រុងបាដាដ ប្រទេសអ៊ីរ៉ាក់ ក្នុងពេលមានការធ្វើបាតុកម្មជាបន្តបន្ទាប់។

ក្រសួងការពារជាតិអាមេរិក បានបញ្ជាក់ថា លោក Soleimani ត្រូវបានសម្លាប់ក្នុងការវាយប្រហារនៅព្រលានយន្តហោះអន្តរជាតិក្រុងបាដាដ។ «តាមការចង្អុលបង្ហាញរបស់ប្រធានាធិបតី យោធាអាមេរិក បានចាត់វិធានការការពារទ័ពអាមេរិកដែលនៅក្រៅប្រទេស ដោយការសម្លាប់ Qassem Soleimani»។

អាមេរិក អះអាងថា លោក Soleimani គឺជាអ្នករៀបចំផែនការយ៉ាងសកម្ម ក្នុងការវាយប្រហារទូត និងទាហានអាមេរិក ក្នុងប្រទេសអ៊ីរ៉ាក់ និងក្នុងតំបន់។ លោក Soleimani និងកងទ័ពរបស់គាត់ គឺជាអ្នកទទួលខុសត្រូវចំពោះការស្លាប់ និងរបួសទាហានអាមេរិករាប់ពាន់នាក់៕

ប្រភព៖ CNN ប្រែសម្រួល៖ សំភី