ក្នុងសន្និសីទកាសែតនាព្រឹកថ្ងៃទី៥ ខែមករា ឆ្នាំ​២០២០ សម្តេច​នាយករដ្ឋមន្រ្តី ហ៊ុន សែន បាន​ទទួលស្គាល់​ពីចំណុចខ្វះខាត​ដែលបណ្តាល​ឱ្យបាក់រលំ​អគារ​នៅខេត្តកែប ក្នុងនោះ​សម្តេចបានលើកឡើងពីកំហុស ២ចំណុច ដូចខាងក្រោម៖

ទី១. ដាក់ដែកខុស បានន័យថា ដែកតូចជាងកម្រិតបច្ចេកទេស​ដែលគេផ្តល់។

ទី២. ការដកក្តារពុម្ព​លឿនមុនកាលកំណត់៖ ដោយសម្តេច​ពន្យល់ថា ជាទូទៅការចាក់ប្លង់សេ ត្រូវការរយៈពេលដល់ ២៨ថ្ងៃទើបដកក្តារពុម្ពបាន។ ប៉ុន្តែសម្រាប់អគារនេះ សម្តេចទទួលព័ត៌មាន​ថា មិនទាន់បាន១០ថ្ងៃផង ក៏ដកក្តារពុម្ពចេញតែម្តង។ សម្តេចថា នេះជាកំហុសរបស់មេកាសំណង់ ប៉ុន្តែទាំងមេកា និងកូនរបស់គាត់​ បានស្លាប់ក្នុងហេតុការណ៍នេះទៅហើយ៕