លម្អិតបន្ថែមពីជំងឺរលាកសួតបង្កដោយមេរោគកូរ៉ូណាវីរុសថ្មី គិតត្រឹមថ្ងៃ២២មករានេះ

2020-01-22 06:44:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយកដ្ឋានប្រយុទ្ធនឹងជំងឺឆ្លង នៅថ្ងៃទី២២ ខែមករា ឆ្នាំ២០២០នេះ បានបង្ហាញបច្ចុប្បន្នភាពជំងឺរលាកសួតបង្កដោយមេរោគកូរ៉ូណាវីរុសថ្មីដូចខាងក្រោម៖

- ស្លាប់៣នាក់ទៀតនៅក្រុង វូហាន ប្រទេសចិន សរុបស្លាប់៩នាក់

- សហរដ្ឋអាមេរិករកឃេីញនាំចូលជំងឺ១ករណី

- មាននាំចូលជំងឺទៅខេត្តក្រុងដទៃក្នុងប្រទេសចិន ចំនួន ១៣ ខេត្ត

- អ្នកជំនាញថា មានការឆ្លងពីមនុស្សទៅមនុស្សតែនៅមានកំរិត

- មានគ្រូពេទ្យដែលថែទាំព្យាបាលអ្នកជំងឺរលាកសួតបង្កដោយមេរោគកូរ៉ូណាវីរុសថ្មីឆ្លង ឆ្លងជំងឺនេះ

- សរុបចំនួនករណី ៤៤៥ (ប្រទេសចិន ៤៤0 ប្រទេសថៃ ២ ប្រទេសជប៉ុន ១ កូរ៉េខសងត្បូង ១ និងសហរដ្ឋអាមេរិក ១)។ ក្នុងនោះស្លាប់ ៩នាក់ និង ជាង ៣០នាក់ជាសះស្បេីយចេញពីមន្ទីរពេទ្យនៅប្រទេសចិន

- អ្នកស្លាប់មានអាយុច្រេីននិងមានជំងឺរ៉ាំរ៉ៃជាប់ខ្លួន

- ប្រទេស សឹង្ហបុរី ដក ១ ករណីចេញវិញ ព្រោះរលាកសួតពុំពាក់ព័ន្ធមេរោគ កូរ៉ូណាវិរុសប្រភេទថ្មីទេ

- រហូតពេលនេះ មានតែក្រុងវូហាន ប្រទេសចិនប៉ុណ្ណោះមានផ្ទុះជំងឺរលាកសួតបង្កឡេីងដោយមេរោគកូរ៉ូណាវិរុស ក្រៅពីនោះប្រទេសផ្សេងជាករណីនាំចូលជំងឺពីក្រុងវូហានប៉ុណ្ណោះ

- ប្រទេសកម្ពុជាពុំទាន់រកឃេីញករណីជំងឺនេះទេ

- ជំងឺនេះភាគច្រេីនរកឃេីញចំលងចេញពីទីផ្សារលក់គ្រឿងសមុទ្រ ក្នុងទីក្រុងវូហាន (ផ្សារនេះត្រូវបានបិទនិងសំអាតនៅថ្ងៃទី ១ មករា ម្លេះ)

- ប្រភេទមេរោគ កូរ៉ូណាវីរុសថ្មី រកឃេីញដំបូងនៅថ្ងៃទី ៧ មករា ២០២០

- ភាគច្រេីនចំលងមកពីសត្វ (កំពុងអង្គេតរកប្រភពសត្វចំលង)

ជំងឺរលាកផ្លូវដង្ហេីមបណ្តាលមកពីមេរោគថ្មី នៅក្រុងវូហាន ខេត្តហ៊ូបុី ប្រទេសចិន :

- មេរោគបង្កឡេីងដោយ កូរ៉ូណាវីរុស ប្រភេទថ្មី (កូរ៉ូណាវិរុសចាស់រួមមាន : ១.កូរ៉ូណាវីរុសបង្កជំងឺ សារស៏ ក្នុងឆ្នាំ២០០៣: ឆ្លងពីសត្វសំប៉ូចប្រផេះ)

២. កូរ៉ូណាវីរុសបង្កជំងឺ MERS នៅមជ្ឈឹមូព៌ា នៅក្នុងឆ្នាំ ២០១២: ឆ្លងពីសត្វអូដ៏)

- ភាគច្រេីនចំលងមកពីសត្វ តែមិនទាន់ដឹងប្រភពច្បាស់លាស់ពីសត្វអ្វី

- ពុំទាន់រកឃេីញករណីជំងឺនេះនៅប្រទេសកម្ពុជានៅឡេីយទេ

- រោគសញ្ញាជំងឺរួមមាន គ្រុនក្តៅឬប្រវត្តិគ្រុនក្តៅលេីសពី ៣៨អង្សាសេ ក្អក ករណីធ្ងន់ធ្ងរមានហត់ឬពិបាកដកដង្ហេីម

- ចាត់ទុកករណីសង្ស័យ: រាល់អ្នកដំណេីរមានរោគសញ្ញាគ្រុនក្តៅឬមានប្រវត្តិគ្រុនក្តៅ ក្អក ហត់ឬពិបាកដកដង្ហេីម និងមានប្រវត្តិមកពីទីក្រុងខាងលេីក្នងកំឡុងពេល១៤ថ្ងៃ សូមរកការព្យាបាលនៅមន្ទីរពេទ្យជិតបំផុត និងប្រាបគ្រូពេទ្យអំពីប្រវត្តន៏នៃការធ្វេីដំណេីរផង ការពារជំងឺ:

- កុំប៉ះពាល់សត្វរស់ កុំទៅកន្លែងផ្ទុះជំងឺ និងទីផ្សារ នៅក្នងទីក្រុងខាងលេី

- ឧស្សាហ៏លាងដៃជាមួយសាប៊ូនិងទឹក ឬជាមួយហ្សែល

- កុំប៉ះពាល់អ្នកជំងឺ ឬមន្ទីរពេទ្យមានអ្នកជំងឺខាងលេី

- ហូបសាច់ និងពងសត្វដែលចំអិនឆ្អិនល្អ

- ពេលក្អក ឬកណ្តាស ត្រូវប្រេីក្រដាសឬកន្សែងខ្ទប់មុខ

- រាយការណ៏ទៅលេខ ១១៥ បេីចង់ដឹងពត៌មានបន្ថែមឬរាយការណ៍ករណីសង្ស័យ

វិធានការក្រសួងសុខាភិបាល:

- តាមដាន និងឃ្លាំមេីលអ្នកដំណេីរដោយប្រេីម៉ាស៊ីនស្ទង់កុំដៅជាពិសេសអ្នកដំណេីរមកពីទីក្រុងខាងលេី

- មានមន្ទីរពិសោធន៏ជាតិត្រៀមជាស្រេចដេីម្បីរកអត្តសញ្ញាណមេរោគថ្មី

- ក្រុមជំនាញសុខាភិបាលជាង២០០០ នាក់ដែលបានបណ្តុះបណ្តាលរួចជាស្រេចក្នុងការតាមដាននិងឆ្លេីយតបជំងឺកេីតឡេីងថ្មីៗ ត្រៀមលក្ខណ:ឆ្លេីយតបបេីកេីតមានជាយថាហេតុ

អ្នកនាំពាក្យនឹងធ្វេីបច្ចុប្បន្នទាន់ហេតុការណ៏ និងសូមបងប្អូនតាមដានពត៌មានដែលមានប្រភពច្បាស់លាស់ ពីក្រសួងសុខាភិបាល ពត៌មានបន្ថែម: ១១៥៕