យោងតាមប្រភពព័ត៌មានពីអ៊ីតាលីបានបង្ហើបឲ្យដឹងថា ក្លឹប AS Roma បានចរចារជាមួយក្លឹប Barcelona ចុះកិច្ចសន្យាខ្ចីជើងយកកីឡាករ Carles Pérez នៅទីផ្សារដោះដូរកីឡាករខែមករានេះក្នុងតម្លៃ​ ១៣ លានផោនប្រមាណជា ១៤ លានដុល្លារជាមួយនឹងលក្ខខណ្ឌទិញត្រឡប់មកវិញ។

គិតត្រឹមខែមករានេះ ក្លឹប Barcelona លក់ចេញខ្សែការពារ Todibo ទៅក្លឹបអាល្លឹម៉ង់ Schalke និងដាក់ឲ្យខ្ចីជើងខ្សែបម្រើ Carles Aleña ទៅក្លឹបអេស្ប៉ាញ Real Betis និងចុងក្រោយ Carles Pérez។

សម្រាប់ខ្សែប្រយុទ្ធវ័យក្មេងថ្នាល La Masia រូបនេះបង្ហាញទម្រង់លេងបានយ៉ាងល្អបានលេងក្នុងពេលចាប់ផ្តើមរដូវកាលថ្មី(២០១៩-២០២០) ដោយចូលលេងពានលីគបាន ១០ ដងរកបាន ១ គ្រាប់ ឯពាន Champions League រកបាន ១ គ្រាប់ ប៉ុន្តែក្រោមការដឹកនាំរបស់គ្រូបង្វឹកថ្មីលោក Setien រូបគេមិនត្រូវបានស្ថិតក្នុងបញ្ជីកីឡាកររបស់ឈុត A នោះទេ៕

• Griezmann ក្លាយជាកីឡាករ Barca ដំបូងគេអាចស៊ុតចូលគ្រប់កម្មវិធីឲ្យក្លឹប
• កីឡាករលំដាប់ពិភពលោក ២ នាក់ Inter យកបានម្តង ២