ក្រសួងការបរទេស នឹងរៀបចំសន្និបាតប្រចាំឆ្នាំ២០២០ នៅចុងខែមករា នេះ
- 2020-01-28 03:44:48
- ចំនួនមតិ 0 | ចំនួនចែករំលែក 0
ក្រសួងការបរទេស នឹងរៀបចំសន្និបាតប្រចាំឆ្នាំ២០២០ នៅចុងខែមករា នេះ
ចន្លោះមិនឃើញ
ក្រសួងការបរទេស និងសហប្រតិបត្តិការអន្តរជាតិ នឹងរៀបចំ “សន្និបាតប្រចាំឆ្នាំ២០២០” ដែលនឹងប្រព្រឹត្តទៅពី ថ្ងៃ ទី៣០ ដល់ថ្ងៃទី៣១ ខែមករា ឆ្នាំ២០២០ ដើម្បីពិនិត្យឡើងវិញពី សកម្មភាព និង ការប្រឈម នានានៅក្នុងឆ្នាំ២០១៩ ព្រមទាំងកំណត់ទិសដៅ ការទូតនិងការងារ សម្រាប់ ឆ្នាំ២០២០។
ក្នុងពិធីរៀបចំសន្និបាតប្រនេះដែរ សម្តេច ហ៊ុន សែន នាយករដ្ឋមន្រ្តី នៃព្រះរាជាណាចក្រ កម្ពុជា នឹង អញ្ជើញជាអធិបតីដើម្បីផ្តល់ អនុសាសន៍ និងការណែនាំដ៏មានតម្លៃសម្រាប់អ្នកការទូតកម្ពុជា ក្នុងការអនុវត្ត បេសកកម្ម ការទូត ក្នុងពិធីបិទសន្និបាតនេះ នៅថ្ងៃទី៣១ ខែមករា នៅវិមានសន្តិភាព ។
ក្នុងឱកាសនោះ សម្តេច នឹងអញ្ជើញ ប្រកាស ជាផ្លូវការ ការទទួលធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ ឆ្នាំ២០២០ នៅកម្ពុជា ហើយអង្គទូត បរទេសប្រចាំកម្ពុជា ក៏នឹងត្រូវបានអញ្ជើញឲ្យចូលរួមក្នុងពិធីនេះផងដែរ។ សន្និបាតប្រចាំឆ្នាំ២០២០ នឹងផ្តល់កាលានុវត្តភាពផងដែរសម្រាប់អ្នកការទូតកម្ពុជា អាចពង្រីក ចំណេះដឹងប្រតិបត្តិ និងកំរិតវិភាគកាន់តែទូលំទូលាយ លើបញ្ហាសំខាន់ៗដែលពាក់ព័ន្ធនឹង (១) «បច្ចុប្បន្នភាពសេដ្ឋកិច្ចកម្ពុជា» (២) «ស្ថានភាពវិនិយោគបរទេសនៅកម្ពុជា» និង(៣) «យុទ្ធសាស្រ្ត សមាហរណកម្មពាណិជ្ជកម្មរបស់កម្ពុជា» ដើម្បីពង្រឹងការទូតសេដ្ឋកិច្ច ប្រកបដោយប្រសិទ្ធភាព នៅលើ ឆាក អន្តរជាតិ។
សន្និបាតនេះ នឹងមាន ការចូលរួមពីថ្នាក់ដឹកនាំ និងមន្រ្តីរាជការរបស់ក្រសួង ឯកអគ្គរាជទូត តំណាង អចិន្ត្រៃយ៍ អគ្គកុងស៊ុល កុងស៊ុលកិត្តិយស និងតំណាងក្រសួង-ស្ថាប័នពាក់ព័ន្ធរបស់កម្ពុជា ៕