មិនធម្មតា! ជប៉ុន យកកប៉ាល់ដ៏ធំធ្វើជាកន្លែងធ្វើតេស្តរកវីរុសកូរ៉ូណា
- 2020-02-04 04:18:53
- ចំនួនមតិ 0 | ចំនួនចែករំលែក 0
មិនធម្មតា! ជប៉ុន យកកប៉ាល់ដ៏ធំធ្វើជាកន្លែងធ្វើតេស្តរកវីរុសកូរ៉ូណា
ចន្លោះមិនឃើញ
ជប៉ុន បានយកកប៉ាល់មួយដែលដឹកមនុស្សប្រមាណ ៣៥០០នាក់ឈ្មោះ Diamond Princess ធ្វើជាកន្លែងធ្វើតេស្តរកវីរុសកូរ៉ូណានៅថ្ងៃទី៤ ខែកុម្ភៈ ឆ្នាំ២០២០។ ការធ្វើបែបនេះ គឺបន្ទាប់ពីមានអ្នកដំណើរម្នាក់ដែលបានចាកចេញពីហុងកុង ត្រូវបានរកឃើញថា មានផ្ទុកវីរុសនេះ។
តាមរូបភាពជាច្រើនបានបង្ហាញថា មន្រ្តីជប៉ុនជាច្រើននាក់បានចូលក្នុងកប៉ាល់ខាងលើ ដែលស្ថិតនៅកំពង់ផែក្រុង Yokohama កាលពីល្ងាចថ្ងៃទី៣ ខែកុម្ភៈ ដើម្បីត្រួតពិនិត្យសុខភាពអ្នកដំណើរ ២៥០០នាក់ និងនាវិក ១ពាន់នាក់។
ស្រ្តីជាអ្នកដំណើរម្នាក់ក្នុងនាវានេះ បានប្រាប់ប្រព័ន្ធផ្សព្វផ្សាយឯកជន TBS ថា អ្នកដំណើរទាំងអស់ ត្រូវបានបង្គាប់ឱ្យស្នាក់នៅក្នុងបន្ទប់របស់ពួកគេ រង់ចាំការធ្វើតេស្តរកវីរុសកូរ៉ូណា។
ក្រសួងសុខាភិបាលជប៉ុន បានឱ្យដឹងកាលពីថ្ងៃទី៣កុម្ភៈថា មនុស្ស ២០នាក់នៅក្នុងប្រទេសនេះ ត្រូវបានធ្វើតេស្តរកឃើញវីរុសកូរ៉ូណា ក្នុងនោះមាន ៤នាក់ មិនបញ្ចេញរោគសញ្ញា៕