​ក្លឹប Gatafe ​យក​បាន ៤២ ពិន្ទុពីការប្រកួត ២៣ ដងឡើងមកឈរលេខ ៣ ក្នុងតារាងដណ្ដើមពានលីគកំពូលអេស្ប៉ាញរដូវកាល ២០១៩-២០២០។

Gatafe រំកិលខ្លួនតាំងពីបាតតារាង ក្រោយពេលលេងប៉ុន្មានប្រកួតបើករដូវកាល ប៉ុន្តែស្រាប់តែធ្វើបានល្អៗឡើងកាន់តែភ្ញាក់ផ្អើល រហូតអាចឈ្នះក្រុមខ្លាំង Valencia ដល់ទៅ ៣-០ ដោយរុញ Atlectico Madrid ធ្លាក់ដល់លេខ ៤ ក្នុងតារាងនៅសប្ដាហ៍ទី ២៣ នេះ។

ត្រឡប់ទៅរដូវកាល ២០១៤-២០១៥ ពួកគេធ្លាក់ទៅលេងលីគ ២ មកទល់រដូវកាល ២០១៦-២០១៧ បញ្ចប់ត្រឹមលេខ ២ ក្នុងតារាងលីគ ២ និងបានឡើងមកវិញនៅរដូវកាល ២០១៧-២០១៨ បញ្ចប់ត្រឹមចំណាត់ថ្នាក់ ១៨។

រដូវកាល ២០១៨-២០១៩ បញ្ចប់ត្រឹមលេខ ៥ បានកៅអីលេង Europa និងរហូតដល់រដូវកាល ២០១៩-២០២០ Gatafe មិនត្រឹមតែខ្លាំងក្នុងលីគនោះទេ ទាំងនៅក្របខណ្ឌ Europa League ក៏ពួកគេធ្វើបានល្អផងដែរ គឺបានឡើងដល់វគ្គ ៣២ ក្រុមចុងក្រោយ (ចាប់ឆ្នោតប៉ះ Ajax នឹងត្រូវលេងជើងទី ១ ថ្ងៃ ២១ ខែកុម្ភៈ ២០២០)។

ដូច្នេះ សូមរង់ចាំមើល ថាតើពួកគេរក្សាបានចំណាត់ថ្នាក់ល្អបែបនេះដល់ចប់រដូវកាលបានដែរឬទេ? រីឯពានអឺរ៉ុប តើនឹងធ្វើបានល្អកម្រិតណា?

ទស្សនាវីដេអូ Gatafe ឈ្នះ Valencia ៣-០ សប្ដាហ៍ទី ២៣ ៖