តារាថៃម្នាក់ធ្លាប់ត្រូវគេរិះគន់ខ្លាំង ព្រោះតែស្លៀកសិចស៊ីពេកពេលទទួលពានរង្វាន់

2020-02-12 01:09:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មិនខុសពីកម្ពុជាប៉ុន្មាន ការស្លៀកពាក់នៅក្នុងប្រទេសថៃក៏តម្រូវឲ្យមានភាពសមរម្យទៅតាមកាលៈទេសៈផងដែរ។ បើការស្លៀកពាក់ណាមួយមានភាពជ្រុលហួសហេតុ នោះច្បាស់ជាមានការបញ្ចេញមតិយោបល់អវិជ្ជមានជាក់ជាមិនខាន។ តួយ៉ាងកាលពីប៉ុន្មានឆ្នាំកន្លងទៅធ្លាប់មានម្ដងដែលតារាស្រីថៃម្នាក់ឈ្មោះ Choitros Suriyawong ត្រូវបានគេរិះគន់យ៉ាងចាស់ដៃ ក៏ព្រោះតែឈុតរ៉ូបលេចលើលេចក្រោមរបស់នាង។

រឿងរ៉ាវនេះបានកើតឡើងកាលពីកំឡុងឆ្នាំ២០០៧ ខណៈដែលតារាស្រីវ័យក្មេង Choitros Suriyawong ចូលរួមកម្មវិធីទទួលពានរង្វាន់សិល្បៈដ៏ល្បីមួយប្រចាំប្រទេសថៃ ដែលមានឈ្មោះថា Suphannahong National Film Awards។ Choitros បានស្លៀករ៉ូបខ្មៅ បញ្ចេញសាច់ពីលើដល់ក្រោម ដែលជាទីទាក់ទាញក្រសែភ្នែកមហាជន។ កាលពីពេលនោះ តារាស្រី Choitros ធ្លាប់ប្រាប់អ្នកសារព័ត៌មានថា នាងមិនបានស្លៀកខោអាវក្នុងថែមទៀតផង។ យ៉ាងណាមិញ ក្រោយពីមានគេរិះគន់ច្រើន នាងក៏បានលើកឡើងវិញថា រ៉ូបនោះគឺមានដេរភ្ជាប់នឹងខោអាវក្នុងស្រាប់ ដោយមិនចាំបាច់ត្រូវស្លៀកថែមទៀតទេ។

ថ្លែងទាំងទឹកភ្នែកនៅក្នុងសន្និសីទកាសែត ស្រីស្អាត Choitros បានធ្វើការសូមទោសជាសាធារណៈចំពោះប្រជាជនថៃ ហើយរៀបរាប់ថា នាងគ្រាន់តែចង់បានការចាប់អារម្មណ៍តែប៉ុណ្ណោះ បើនាងដឹងមុនថាកើតមានបញ្ហាដូច្នេះ នោះនាងនឹងប្រព្រឹត្តវាឡើយ៕