ក្រសួងកសិកម្ម ចេញសារាចរណែនាំដើម្បីទប់ស្កាត់ជម្ងឺផ្តាសាយបក្សី
- 2020-02-19 02:16:52
- ចំនួនមតិ 0 | ចំនួនចែករំលែក 0
ក្រសួងកសិកម្ម ចេញសារាចរណែនាំដើម្បីទប់ស្កាត់ជម្ងឺផ្តាសាយបក្សី
ចន្លោះមិនឃើញ
ក្រសួងកសិកម្ម បានចេញសារាចរណែនាំជាបន្ទាន់មួយដើម្បីការទប់ស្កាត់ជម្ងឺផ្តាសាយបក្សីក្រោយ ការផ្ទុះជម្ងឺនេះក្នុងប្រទេស វៀតណាម។ យោងតាមក្រសួងកសិកម្ម នៅខេត្តត្រាវិញភាគខាងត្បូង ការផ្ទុះជំងឺផ្តាសាយបក្សី បាននាំឲ្យមានការសម្លាប់សត្វមាន់ជាង ៥ម៉ឺន៥ ពាន់ក្បាល។
សារាចរណែនាំដើម្បីទប់ស្កាត់រួមមានការដាក់វិធាន ការពង្រឹងការទប់ស្កាត់ការនាំចូលបក្សី និងផលិតផល ពីបក្សីខុសច្បាប់ ដែលឆ្លងកាត់តាមច្រកព្រំដែន ច្រកតាម អាកាសយានដ្ឋានអន្តរជាតិ កំពង់ផែ និងពីខេត្តមួយ ទៅខេត្តមួយ ឬពីតំបន់មួយទៅតំបន់មួយ ដោយសហការ ជាមួយអាជ្ញាធរថ្នាក់ក្រោមជាតិគ្រប់លំដាប់ថ្នាក់ ជាពិសេសសមត្ថកិច្ចច្រកចេញ ចូលតាមព្រំដែន។
លើសពីនេះត្រូវមានការបង្កើនការត្រួតពិនិត្យចរាចរណ៍សត្វ និងផលិតផល សត្វបន្ថែមទៀត ដោយសហការជាមួយមន្ទីរកសិកម្ម រុក្ខាប្រមាញ់ និងនេសាទ ក៏ដូចជាការិយាល័យផលតិកម្ម និងបសុព្យាបាលរាជធានីខេត្ត អាជ្ញាធរថ្នាក់ក្រោមជាតិគ្រប់លំដាប់ថ្នាក់ និងសមត្ថកិច្ចពាក់ព័ន្ធ ការពង្រឹងការអនុវត្តវិធានការជីវសុវត្ថិភាព ឱ្យបានហ្មត់ចត់នៅគ្រប់កសិដ្ឋានចិញ្ចឹមបក្សី កន្លែងចិញ្ចឹមបក្សី កន្លែងប្រមូលផ្តុំបក្សី កន្លែងអាជីវកម្មបក្សី និងសត្តឃាតដ្ឋានបក្សី។
ក្រសួងកសិកម្ម បន្ថែមទៀតថាត្រូវបង្កើនការអង្កេត តាមដាន ឃ្លាំមើល ត្រួតពិនិត្យសុខភាពបក្សីនៅទូទាំងប្រទេស និងចាត់វិធានការឱ្យបានទាន់ពេលវេលាក្នុង ករណីសង្ស័យផ្ទុះជំងឺផ្តាសាយបក្សី រាល់ការចរាចរបក្សី និងផលិតផលពីបក្សីត្រូវមានលិខិតអនុញ្ញាត វិញ្ញាបន បត្រអនាម័យសត្វ និងផលិតផលសត្វ ស្របតាមបទដ្ឋានបច្ចេកទេស និងត្រូវស្ថិតក្រោមការត្រួតពិនិត្យសុខភាព សត្វ និងអនាម័យសត្វពីមន្រ្តីជំនាញបសុពេទ្យនៅចំណុចដើមទី និងចំណុចចុងទីឱ្យបានត្រឹមត្រូវ និងវិធានការ ជាច្រើនទៀតរួមទាំងវិធានលាងសម្អាត និងបាញ់ថ្នាំសម្លាប់មេរោគតាមលក្ខណៈបច្ចេកទេស និងការបង្កើនការ អប់រំផងដែរ៕