ភ្នាក់ងារទេសចរណ៍ ៣០នាក់ទៀតទទួលការបណ្ដុះបណ្ដាលពីការសង្គ្រោះបឋម
- 2020-02-25 04:33:22
- ចំនួនមតិ 0 | ចំនួនចែករំលែក 0
ភ្នាក់ងារទេសចរណ៍ ៣០នាក់ទៀតទទួលការបណ្ដុះបណ្ដាលពីការសង្គ្រោះបឋម
ចន្លោះមិនឃើញ
អាជ្ញាធរជាតិអប្សរារៀបចំវគ្គសង្គ្រោះបឋមដល់ភ្នាក់ងារទេសចរណ៍ជាលើកទី៥ ដល់ភ្នាក់ងារទេសចរណ៍ប្រចាំប្រាសាទគោលដៅ ពីសំណាក់ក្រុមគ្រូពេទ្យស្ម័គ្រចិត្តមកពីប្រទេសជប៉ុន (អង្គការ Srolanh project NPO) សហការជាមួយនាយកដ្ឋានអភិវឌ្ឍន៍ទេសចរណ៍អង្គរនៃអាជ្ញាធរជាតិអប្សរា។ វគ្គបណ្ដុះបណ្ដាលនេះធ្វើឡើងកាលពីនៅថ្ងៃទី២៤ ខែកុម្ភៈ ឆ្នាំ២០២០។
ចំពោះវគ្គសង្គ្រោះបឋមនេះ ត្រូវបានរៀបចំ ២ដងក្នុងមួយឆ្នាំ គឺរៀងរាល់ខែកុម្ភៈនិងខែកក្កដា ដែលផ្តោតលើមេរៀនសំខាន់ៗដូចជា ការធ្វើចលនាបេះដូង របៀបរុំរបួស ការលើកជនរងគ្រោះ។ល។
លោកបានបញ្ជាក់ថា ការផ្តល់ចំណេះដឹងផ្នែកសង្គ្រោះបឋមដល់ភ្នាក់ងារទេសចរណ៍តាមប្រាសាទ ជាភារកិច្ចចាំបាច់បំផុតសម្រាប់អាជ្ញាធរជាតិអប្សរា ដើម្បីឱ្យភ្នាក់ងារទេសចរណ៍អាចមើលថែនិងជួយសង្គ្រោះភ្ញៀវទេសចរបានទាន់ពេលវេលា ករណីភ្ញៀវជួបគ្រោះថ្នាក់ជាយថាហេតុ។ កាយវិការនិងការគិតគូរពីសុខទុក្ខ សុវត្ថិភាពចំពោះភ្ញៀវដូច្នេះ កន្លងមកទទួលបានការគាំទ្រ ការថ្លែងអំណរគុណ និងការកោតសរសើរយ៉ាងខ្លាំងចំពោះស្ថាប័នមួយនេះ៕