លោកត្រាំ ប្រាប់ពលរដ្ឋខ្លួនកុំឲ្យស្លន់ស្លោរឿងកូរ៉ូណា តែខ្លួនឯងលាងដៃញឹក

2020-02-27 05:47:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅព្រឹកថ្ងៃទី២៧ ខែកុម្ភៈ ឆ្នាំ២០២០ លោកប្រធានាធិបតី ដូណាល់ ត្រាំ បានធ្វើកម្មវិធីសន្និសិទកាសែតស្ដីពីការវិវត្តរបស់វីរុសកូរ៉ូណាថ្មី COVID-19 នៅក្នុងសហរដ្ឋអាមេរិក ក្នុងនោះលោកបាននិយាយពីការលាងដៃដ៏ញឹកញាប់។

ឆ្លើយនិងសំនួររបស់អ្នកកាសែតម្នាក់ផ្សាយផ្ទាល់ក្នុងផេកសារព័ត៌មាន TIMEដែលបានសួរថា តើលោកកំពុងតែប្រាប់ជនជាតិអាមេរិកទាំងអស់? ឬលើកលែងអ្នកដែលកំពុងផ្ទុកជំងឺនេះថា កុំឲ្យផ្លាស់ប្ដូរទម្លាប់របស់ពួកគេហើយងាកមកប្រុងប្រយ័ត្នជាមួយនិងមេរោគកូរ៉ូណាឬ? លោកត្រាំឆ្លើយថា៖ «ទេ! អ្នកប្រហែលជាបានលឺហើយ ខ្ញុំជាម្នាក់ដែលបានលាងដៃញឹកជាងគេ ហើយត្រូវតែស្អាតជានិច្ចបើមិនចាំបាច់ទេ អ្នកមិនគួរចាប់ដៃជាមួយអ្នកដទៃញឹកពេកទេ»។

ប្រធានាធិបតីទី៤៥របស់សហរដ្ឋអាមេរិករូបនេះបន្តទៀតថា៖ «កាលពី១សប្តាហ៍មុនខ្ញុំបានជួបបុរសមួយនាក់ ខ្ញុំខានបានជួបគាត់យូរហើយ គាត់មកជួបខ្ញុំ ខ្ញុំសួរគាត់ថា តើលោកសុខសប្បាយទេ? គាត់នោះឆ្លើយថាទេ ដូចជាមិនសូវស្រួលខ្លួនសោះរាងចង់គ្រុនហើយផ្ដាសាយយ៉ាងម៉េចទេ ហើយគាត់នៅតែមករាក់ទាក់និងខ្ញុំទៀតតែខ្ញុំប្រាប់ថា សូមអភ័យទោសអនុញ្ញាតឲ្យខ្ញុំទៅលាងដៃសិន»។ យ៉ាងណាមិញការលើកឡើងរបស់លោកត្រាំគឺទំនងចង់ឲ្យសាធារណជនបង្កើនការប្រុងប្រយ័ត្នតែប៉ុណ្ណោះ៕

សូមទស្សនាវីដេអូខាងក្រោមត្រង់នាទី (-11:4)៖

អត្ថបទ៖ Yorn Sovieth