នឹកស្មានមិនដល់! ក្រោយល្បីខ្លាំង "កូនសេដ្ឋីរូបអាក្រក់" ក៏បែរជាជួបរឿងទាំងនេះ
- 2020-03-20 00:22:12
- ចំនួនមតិ 0 | ចំនួនចែករំលែក 0
នឹកស្មានមិនដល់! ក្រោយល្បីខ្លាំង "កូនសេដ្ឋីរូបអាក្រក់" ក៏បែរជាជួបរឿងទាំងនេះ
ចន្លោះមិនឃើញ
ច្រើនជាង ៣ឆ្នាំមកហើយដែលទស្សនិកជននៅលើបណ្ដាញសង្គម បានបាត់មុខលោក Chen Shan ដែលមានរហស្សនាមថា "កូនសេដ្ឋីរូបអាក្រក់" ដែលធ្លាប់ល្បីល្បាញតាមរយៈការសម្ដែងនៅក្នុងវីដេអូបែបកំប្លែងៗ។ តាមរយៈព័ត៌មានចុងក្រោយបំផុត លោក Chen Shan កំពុងស្ថិតនៅក្នុងស្ថានភាពលំបាកធ្លាក់ខ្លួនក្រ ហើយគ្មានការងារធ្វើច្បាស់លាស់នោះទេ។ កាន់តែយ៉ាប់យ៉ឺនទៅទៀត សូម្បីគូស្នេហ៍ជាស្រីស្អាតដែលធ្លាប់កៀកកើយជិតស្និទ្ធក៏ដើរចេញពីជីវិតលោកផងដែរ។
កាលពីមុន លោក Chen Shan គឺជាបុគ្គលល្បីល្បាញខ្លាំងនៅក្នុងពិភពអនឡាញ មិនថាតែនៅក្នុងប្រទេសចិននោះទេ គឺល្បីដល់បណ្ដាប្រទេសផ្សេងៗទៀត ដោយក្នុងនោះមានទាំងកម្ពុជាផងដែរ។ រាល់ពេលដែលធ្វើការ Live វីដេអូម្ដងៗ បុរសដែលមានរូបរាងចម្លែកនេះអាចទាក់ទាញអ្នកទស្សនាបានរាប់លាននាក់ឯណោះ ព្រមទាំងការបរិច្ចាគលុយជាច្រើនហូរហែ ដែលជំរុញឲ្យកម្រិតជីវភាពលោកមានសភាពល្អប្រសើរខ្លាំង។
បើតាមពាក្យចចាមអារ៉ាមកន្លងមក លោក Chen Shan កើតនៅក្នុងត្រកូលគ្រួសារអ្នកមានស្ដុកស្ដម្ភមួយ ស្ថិតនៅក្នុងខេត្ត Shandong ប្រទេសចិន។ អ្វីមិនដូចពាក្យគេថា តាមពិតលោក Chen Shan មិនមែនជាកូនសេដ្ឋីទេ ដោយគ្រួសារលោកជាអ្នកក្រីក្រ ហើយលោកផ្ទាល់បានកើតជំងឺចម្លែកទៀតផង។ ព្រោះតែគ្មានលុយកាក់ ទើបកាលនៅពីតូច លោកមិនបានទទួលវះកាត់ព្យាបាល។
ដោយសារភាពល្បាញល្បីព្រោះតែវីដេអូកំប្លែងៗ ចំណូលរបស់ Chen Shan បានកើនឡើងខ្លាំង។ ដំបូងឡើយ វីដេអូរបស់បុរសកម្ពស់មិនសូវបានរូបនេះ បានបង្កប់សារលើកទឹកចិត្តបែបវិជ្ជមានចំពោះមនុស្សម្នាដែលកំពុងស្ថិតនៅក្នុងស្ថានភាពអាក្រក់ៗដូចជាខ្លួនលោក។ យ៉ាងណាមិញ លុះក្រោយមកទៀត ទស្សនិកជនបានអស់ក្ដីអាណិតចំពោះ Chen Shan បន្ទាប់ពីបុគ្គលល្បីឈ្មោះរូបនេះតែងតែធ្វើវីដេអូបង្អួតអំពីរថយន្តទំនើប លុយកាក់ និងស្រីៗក្មេងស្អាតនៅក្បែរជាច្រើននាក់។
នៅក្នុងឆ្នាំ២០១៧ Chen Shan ស្រាប់តែប្រកាសថា លោកឈប់ធ្វើវីដេអូទៀតហើយអមជាមួយសារថា "គ្រប់យ៉ាងគឺគ្រប់គ្រាន់ហើយ"។ នៅលើបណ្ដាញសង្គមរបស់ Chen Shan គេតែងសង្កេតឃើញរូបលោកឧស្សាហ៍ទួញសោកថា ជីវិតគឺមិនងាយស្រួលសោះឡើយ ហើយនៅក្នុងខ្លួនគឺគ្មានសល់អ្វីទេ។ ដោយឡែកឯរូបរាងខាងក្រៅវិញ Chen Shan បានស្រកគីឡូច្រើនជាងកាលពីនៅល្បី ហើយការស្លៀកពាក់ទៀតសោតក៏មិនហ៊ឺហាដូចមុន៕