កីឡាករនឹងយកប្រាក់ពលកម្មទាំងអស់វេរឲ្យវិញ បើក្លឹបនេះត្រូវការ

2020-03-20 03:44:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករទាំងអស់របស់ក្លឹប Borussia Monchengladbach បានព្រមព្រៀងគ្នា សម្រេចថា នឹងវេរប្រាក់ថ្លៃពលកម្ម (ជាប្រាក់ខែ) វេរជូនក្លឹបវិញ ប្រសិនបើក្លឹបត្រូវការដើម្បីជួយដល់ការទំនុកបម្រុងបុគ្គលិកនានា អំឡុងពេលលីគអាល្លឺម៉ង់ ផ្អាក ក៏ដូចជាដើម្បីប្រយុទ្ធប្រឆាំងនឹងវីរុសកូវីឌ១៩។

រូបថត៖ livescore

លោក Max Eberl ដែលជានាយកផ្នែកបច្ចេកទេសបានឲ្យដឹងថា "ស្ថិតក្នុងពេលអាសន្នបែបនេះ កីឡាកររបស់យើងបានយល់ច្បាស់ហើយ។ វាជាការសម្រេចចិត្តរបស់ពួកគេ។ ខ្ញុំពិតជារំភើបនឹងទឹកចិត្តមួយនេះណាស់។"

ជម្រាបជូនថា អាល្លឺម៉ង់ ជាប្រទេសនៅក្នុងតំបន់អឺរ៉ុបទី ៣ ដែលមានអត្រាឆ្លងខ្ពស់បំផុត បន្ទាប់ពី អេស្ប៉ាញ និងអ៊ីតាលី។ គិតមកទល់ពេលនេះ អាល្លឺម៉ង់ មានអ្នករងគ្រោះ (អ្នកឆ្លង) ច្រើនជាង ១ ៥៣២០ ករណី មានអ្នកស្លាប់ ៤៤ នាក់ ប៉ុន្តែក៏មានដែរអ្នកដែលបានជាសះស្បើយចំនួន ១១៥ នាក់៕

ប្រភព៖ Livescore

អត្ថបទ៖ រក្សា