ភ្នំពេញ មានអ្នកឆ្លងជំងឺកូវីដ១៩ កើនឡើង៣ថ្ងៃជាប់ៗគ្នាហើយ
- 2020-04-09 02:48:05
- ចំនួនមតិ 0 | ចំនួនចែករំលែក 0
ភ្នំពេញ មានអ្នកឆ្លងជំងឺកូវីដ១៩ កើនឡើង៣ថ្ងៃជាប់ៗគ្នាហើយ
ចន្លោះមិនឃើញ
៣ថ្ងៃជាប់ៗគ្នាមកនេះ គឺពីថ្ងៃទី៧-៨-៩ មេសា ២០២០ ក្រសួងសុខាភិបាលបានរកឃើញអ្នកឆ្លងជំងឺកូវីដ១៩ ជាបន្តបន្ទាប់ ក្នុងនោះសុទ្ធតែជាអ្នកនៅរាជធានីភ្នំពេញ។
កាលពីថ្ងៃទី ៧មេសា ក្រសួងរកឃើញអ្នកជំងឺកូវីដ១៩ ចំនួន១នាក់ដែលជាស្រ្តីទេសចរជនជាតិវៀតណាមអាយុ ២៧ឆ្នាំ ដោយត្រូវបានឱ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត។ ស្រ្តីរូបនេះ មានមិត្តប្រុសជាជនជាតិចិន ដែលផ្ទុកកូវីដ១៩ ហើយបានចាកចេញពីកម្ពុជាកាលពីថ្ងៃទី៣មេសា។
នៅថ្ងៃទី៨ ខែមេសា ក្រសួងបានរកឃើញអ្នកជំងឺកូវីដ១៩ ចំនួន២នាក់ ដែលជាប្តីប្រពន្ធជនជាតិខ្មែរ នៅសង្កាត់ជ្រោយចង្វារ ត្រូវបានដាក់ឱ្យសម្រាកព្យាបាលនៅមណ្ឌលសុខភាពចាក់អង្រែក្រោម។ បុរសជាប្តី គឺជាមិត្តភក្តិជនជាតិចិនខាងលើ។
នៅថ្ងៃទី៩មេសានេះ ក្រសួងរកឃើញអ្នកជំងឺកូវីដ១៩ ចំនួន១នាក់ ដែលកើតឡើងលើជនជាតិចិន ជាអ្នកទេសចរអាយុ ៣០ឆ្នាំ និងចង់រកស៊ីបើកហាងនៅកម្ពុជា ស្នាក់នៅបណ្តោះអាសន្ន នៅរាជធានីភ្នំពេញ ជាករណីប៉ះពាល់ផ្ទាល់ជាមួយគូសង្សារដែលជាបុរសចិនខាងលើ។
គិតមកត្រឹមព្រឹកនេះ ភ្នំពេញ មានអ្នកជំងឺកូវីដ១៩ចំនួន ២៤នាក់ហើយ ក្នុងនោះជាសះស្បើយ ១៤នាក់ ប៉ុន្តែមានលាប់ជំងឺឡើងវិញម្នាក់៕