Ariana Grande ត្រឡប់ទៅទីក្រុងដែលត្រូវបំផ្ទុះគ្រាប់បែក ក្នុងការប្រគំតន្ត្រីពិសេសមួយ

2017-05-27 04:23:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាចម្រៀងស្រីអាមេរិក Ariana Grande បានប្រកាសថា នាងនឹងធ្វើដំណើរត្រឡប់ទៅកាន់ទីក្រុង Manchester ប្រទេសអង់គ្លេស សាជាថ្មី ដើម្បីរៀបចំការប្រគំតន្ត្រីស្វែងរកមូលនិធិ (Benefit Concert) ក្រោយពីការវាយប្រហារដោយការបំផ្ទុះគ្រាប់បែក កាលដើមសប្ដាហ៍នេះ។

តារាចម្រៀងវ័យ ២៣ឆ្នាំដដែល បានឲ្យដឹងថា ព្រឹត្តិការណ៍នេះគឺដើម្បីគោរពដល់វិញ្ញាណក្ខន្ធអ្នកស្លាប់ និងរៃអង្គាសប្រាក់សម្រាប់ជនរងគ្រោះដែលរបួស ៦០នាក់ និងគ្រួសារជនរងគ្រោះដែលស្លាប់ទាំង ២២នាក់ក្នុងហេតុការណ៍ខាងលើ។ នាងបានបង្ហោះនៅក្នុងបណ្ដាញសង្គម Twitter នៅថ្ងៃសៅរ៍នេះថា ខ្លួននឹងផ្ដល់ព័ត៌មានលម្អិតអំពីការប្រគំតន្ត្រីរបស់នាង បន្ទាប់ពីអ្វីៗត្រូវបានឯកភាពគ្នារួចរាល់។

គួរបញ្ជាក់ថា ក្នុងយុទ្ធនាការស្វែងរកមូលនិធិតាមអនឡាញមួយ ដែល Grande បានចែករំលែក ឈ្មោះ Just Giving មានអ្នកចូលរួមបរិច្ចាគជាទឹកប្រាក់សរុបបានចំនួនជាង ២លានដុល្លារហើយ រហូតមកទល់ពេលនេះ៕