CR7 ទម្លាយមូលហេតុកាត់សក់ស្ទើរតែត្រងោល

2017-06-06 00:53:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែប្រយុទ្ធឆ្នើម Cristiano Ronaldo ឬ រហស្សនាម CR7 បានបង្ហើបពីការប្ដូរម៉ូដសក់ ដែលមើលទៅស្ទើរតែត្រងោល ថា គឺជាការសន្យាមួយរបស់គេ មុនការប្រកួតវគ្គផ្តាច់ព្រ័ត្រ UEFA Champions League 2017 ដែល Real Madrid បានក្លាយជាម្ចាស់ជើងឯក ក្រោយបំបាក់ក្រុម Juventus ក្នុងលទ្ធផល ១-៤ កាលពីថ្ងៃអាទិត្យកន្លងទៅ។

Ronaldo មុនកាត់សក់ ពេលប៉ះ Juventus

Ronaldo ក្រោយកាត់សក់ ពេលឈ្នះពាន Champions League លើកទី១២ ជាមួយ Real Madrid

កីឡាករដែលមានប្រភពមកពីប្រទេសព័រទុយហ្គាល់រូបនេះបានប្រាប់ដល់ប៉ុស្តិ៍ទូរទស្សន៍ Real Madrid Tvថា៖ «វាគឺជាការសន្យាមួយ។ ខ្ញុំបានសន្យាថា បើសិនជាពួកយើងឈ្នះ Champions League ហើយខ្ញុំអាចស៊ុតបញ្ចូលទី១គ្រាប់។ ខ្ញុំនឹងធ្វើវា (កាត់សក់ខ្លី)»។

នេះជាលើកទីមួយហើយ ដែលម្ចាស់ពានរង្វាន់ Ballon d'Or ចំនួន ៤លើករូបនេះ បានលេងម៉ូដសក់ដូច្នេះ។ តាំងពីចាប់ផ្ដើមលេងបាល់ទាត់រហូតដល់ថ្ងៃប្រកួតជាមួយ Juventus នោះ រូបគេតែងតែលេងម៉ូដសក់ធម្មតា ពោលគឺសក់វែង មិនខ្លីពេកនោះទេ៕

ប្រភព៖ Dailymail ប្រែសម្រួល៖ លាភ.