ក្រុមហ៊ុន Qualcomm បច្ចុប្បន្ន​ត្រូវ​គេ​អះអាង​ថា កំពុង​សម្ងំ​ផលិត​បន្ទះ​ឈីប​ស៊េរី​ថ្មី​បំផុត​គឺ Snapdragon 836 ដែល​ជា​ការ​វិវឌ្ឍ​ពី Snapdragon 835។ ទន្ទឹម​នឹង​នេះ ក៏​មាន​ការ​បែកធ្លាយ​ព័ត៌មាន​ថា Galaxy Note 8 របស់ Samsung នឹង​មាន​ឱកាស​បាន​បំពាក់ Snapdragon 836 មុន​ដំបូង​គេ។ Snapdragon 836 មាន​ល្បឿន CPU 2.5GHz ខណៈ Snapdragon 835 មាន​ត្រឹម 2.45GHz។

បន្ទាប់​ពី Note 8 បន្ទះ​ឈីប Snapdragon 836 នឹង​មាន​វត្តមាន​ផង​ដែរ​នៅ​លើ LG V30 និង​ជំនាន់​ថ្មី​របស់ Google Pixel។ សូម​បញ្ជាក់​ថា Qualcomm តែង​តែ​បង្កើត​ឈីប​ថ្មី ដែល​មាន​លក្ខណៈ​ខុស​គ្នា​បន្តិច​បន្តួច​រវាង​ឈីប​ផលិត​នៅ​ជំនាន់​តែ​មួយ។ តួ​យ៉ាង កាល​ពី​ឆ្នាំ​មុន Qualcomm បាន​ចេញ​បន្ទះ​ឈីប​២ស៊េរី​គឺ Snapdgraon 820 និង Snapdragon 821៕