គ្រាប់ផ្លោងជិត៣០០គ្រាប់ ត្រូវពលរដ្ឋប្រទះឃើញនៅស្រុកសំឡូត
- 2017-06-26 01:40:40
- ចំនួនមតិ 0 | ចំនួនចែករំលែក 0
គ្រាប់ផ្លោងជិត៣០០គ្រាប់ ត្រូវពលរដ្ឋប្រទះឃើញនៅស្រុកសំឡូត
ចន្លោះមិនឃើញ
អាវុធយុទ្ធភណ្ឌមិនទាន់ផ្ទុះជាច្រើនប្រភេទ ដែលគិតចាប់ពីគ្រាប់បែកដៃរហូតដល់គ្រាប់ផ្លោងធុន៨២មិល្លីម៉ែត្រ ចំនួន ២៦១គ្រាប់ ត្រូវបានប្រជាពលរដ្ឋប្រទះឃើញ នៅក្នុងរណ្ដៅមួយកន្លែង ខណៈដែលពួកគាត់កាប់គាស់ និងជីកដីដើម្បីដាំបង្គោលម្រេច កាលពីថ្ងៃទី២៥ ខែមិថុនា ឆ្នាំ២០១៧។
ហេតុការណ៍នេះ កើតឡើងនៅក្នុងភូមិស៊ុង១ ឃុំស៊ុង ស្រុកសំឡូត ខេត្តបាត់ដំបង។ សមត្ថកិច្ចមូលដ្ឋាន បានអះអាងថា គ្រាប់ទាំងអស់នេះ នៅមានគុណភាព អាចសម្លាប់មនុស្សបាន ដូច្នេះបច្ចុប្បន្នកម្លាំងកំពុងទាក់ទងទៅអង្គភាពស៊ីម៉ាក់ ដើម្បីឲ្យមកទទួលយកទៅរក្សាទុក និងចាត់ការតាមជំនាញ៕