ថ្ងៃនេះ គឺជាខួប ៥០ឆ្នាំ នៃការបង្កើតម៉ាស៊ីន ATM

2017-06-27 04:34:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ម៉ាស៊ីន ATM ដំបូង ត្រូវបានទទួលស្គាល់ផ្លូវការ នៅថ្ងៃទី២៧ មិថុនា ១៩៦៧ ដែលប្រើប្រាស់ដោយធនាគារអង់គ្លេស Barclays Bank នៅក្រុង Enfield របស់ចក្រភពអង់គ្លេស។ ម៉ាស៊ីន ATM នេះ ត្រូវបានបង្កើតឡើងដោយក្រុមវិស្វករ ដែលដឹកនាំដោយលោក John Shepherd-Barron។

ទូរ ATM របស់ធនាគារអង់គ្លេស Barclays Bank

សម្រាប់ដំណើរការដំបូង ម៉ាស៊ីននេះត្រូវបានប្រើប្រាស់ជាមួយនឹងការដោតបញ្ចូលក្រដាសសែក ដែលចេញដោយធនាគារ ដោយមានសារធាតុកាបូន ដែលអាចឲ្យម៉ាស៊ីនស្គាល់ និងធានាពីសុវត្ថិភាពបាន។ ក្រោយមកទៀត ម៉ាស៊ីន ATM នេះ ត្រូវបានដំណើរការដោយកាត ដែលមានលេខសម្គាល់ចំនួន ៦ខ្ទង់។ បន្ទាប់មកទៀត ការប្រើប្រាស់ម៉ាស៊ីន ATM នេះ បានរីករាលដាលដល់សហរដ្ឋអាមេរិក អឺរ៉ុប និងជប៉ុន។

សូមបញ្ជាក់ថា បច្ចុប្បន្ន មានទូរ ATM ប្រមាណ ៣លានគ្រឿង នៅទូទាំងពិភពលោក ហើយប្រទេសដែលមានការប្រើប្រាស់ទូរ ATM ច្រើនជាងគេ គឺ សហរដ្ឋអាមេរិក កាណាដា អឺរ៉ុប និងជប៉ុន៕