ផ្លែស្វាយកម្ពុជា មានទីផ្សារក្រៅប្រទេសមួយទៀតហើយ
- 2017-07-19 02:12:55
- ចំនួនមតិ 0 | ចំនួនចែករំលែក 0
ផ្លែស្វាយកម្ពុជា មានទីផ្សារក្រៅប្រទេសមួយទៀតហើយ
ចន្លោះមិនឃើញ
លោក Beketzhan Zhumakhanov ឯកអគ្គរដ្ឋទូតនៃសាធារណរដ្ឋកាហ្សាក់ស្ថានប្រចាំនៅកម្ពុជា ឡាវ និងវៀតណាម បានបញ្ជាក់ថា កាហ្សាក់ស្ថានមានបំណងនាំផ្លែស្វាយ និងដំណាំផ្សេងទៀតពីកម្ពុជា។ ការបញ្ជាក់របស់លោកឯកអគ្គរដ្ឋទូតរូបនេះ បានធ្វើឡើងកាលពីថ្ងៃទី១៨ កក្កដា ម្សិលមិញ អំឡុងជំនួបជាមួយលោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទនៅទីស្ដីការក្រសួង។
ក្រៅពីនេះ លោកអគ្គរដ្ឋទូត ក៏ចង់ស្វែងយល់ពីការស្នើសុំវិញ្ញាបនបត្រក្នុងការនាំចូលសាច់សត្វ មកកម្ពុជាផងដែរ។ ឆ្លៀតក្នុងឱកាសនេះ លោកឯកអគ្គរដ្ឋទូត ក៏បានបញ្ជាក់ផងដែរថា មធ្យោបាយក្នុងការដឹកជញ្ជូនទំនិញរវាងប្រទេសទាំងពីរ ដោយប្រើប្រាស់រយៈពេលត្រឹមតែ ១៤ថ្ងៃប៉ុណ្ណោះ ដោយត្រូវឆ្លងកាត់កំពង់ផែប្រទេសចិន៕