Mourinho ថាអត់ចាប់អារម្មណ៍ រឿង Morata ផ្ទេរទៅ Chelsea
- 2017-07-20 08:48:01
- ចំនួនមតិ 0 | ចំនួនចែករំលែក 0
Mourinho ថាអត់ចាប់អារម្មណ៍ រឿង Morata ផ្ទេរទៅ Chelsea
ចន្លោះមិនឃើញ
អ្នកចាត់ការទូទៅក្រុមបិសាចក្រហម Machester United បានបង្ហាញការមិនភ្ញាក់ផ្អើលចំពោះការទិញបានខ្សែប្រយុទ្ធ Alvaro Morata របស់ក្រុមតោខៀវ Chelsea ។ លោកបានបញ្ជាក់ដូច្នេះ នៅក្នុងសន្និសីទសារព័ត៌មាន នៅសហរដ្ឋអាមេរិក អំឡុងពេល Pre-season មុនប៉ះក្រុម Manchester City នៅថ្ងៃស្អែក។
«ខ្ញុំមិនចាប់អារម្មណ៍នឹងអ្វីដែល Chelsea កំពុងធ្វើនោះទេ... ខ្ញុំដឹងថាពួកគេនឹងទិញខ្សែប្រយុទ្ធម្នាក់ ហើយពួកគេបានទិញ Alavro (Morata) ដែលជាកីឡាករសក្ដិសមសម្រាប់ពួកគេ»។ នេះជាសម្ដីរបស់លោក Jose Mourinho អ្នកចាត់ការទូទៅក្រុមបិសាចក្រហម។
Man United ទើបតែទិញខ្សែប្រយុទ្ធ Romelu Lukaku ពី Everton ក្នុងតម្លៃ ៧៥លានផោន ខណៈ Chelsea ដែលធ្លាប់ចាប់អារម្មណ៍លើ Lukaku ដែរនោះ ក៏បានប្រកាសទិញបាន Morata ដែលជាគោលដៅរបស់ Man Utd ពី Real Madrid កាលពីយប់មិញ ក្នុងតម្លៃប្រមាណជា ៦០លានផោន៕