អ្វីជាវ៉ាក់សាំង ដែលមនុស្សត្រូវការ ជាពិសេសកុមារ?

2017-07-24 07:21:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងរាងកាយមនុស្ស មានប្រព័ន្ធភាពសាំពីធម្មជាតិ ដើម្បីជួយការពារមេរោគផ្សេងៗ។ ពេលមេរោគវាយប្រហារ ប្រព័ន្ធភាពសាំបញ្ជូនកោសិកាពិសេស ដើម្បីទប់ទល់ ប៉ុន្តែប្រព័ន្ធនេះមិនខ្លាំងគ្រប់គ្រាន់ ដើម្បីការពារពីមេរោគនោះទេ។ ដូច្នេះអ្នកត្រូវការ វ៉ាក់សាំង ដើម្បីបន្ថែមប្រសិទ្ធភាពលើប្រព័ន្ធភាពសាំអោយកាន់តែខ្លាំង ដែលអាចទប់ទល់នឹងមេរោគបាន។

វ៉ាក់សាំងជាសារធាតុដែលជួយរៀបចំប្រព័ន្ធភាពសាំ ដើម្បីប្រយុទ្ធប្រឆាំងនឹងបាក់តេរីដែលបង្កអោយមានជំងឺ ដោយបញ្ចៀសការឆ្លង។ ពេលប្រព័ន្ធភាពសាំចាប់បាន ធាតុបង្កជំងឺពិត អាចជាវីរុស បាក់តេរី ឬមេរោគផ្សេងៗ វានឹងត្រៀមខ្លួនដើម្បីប្រហារ។ ដូច្នេះ មនុស្សដែលបានចាក់វ៉ាក់សាំងការពារ មិនងាយនឹងឈឺនោះទេ។ មុនពេលប្រើប្រាស់វ៉ាក់សាំង ក្មេងជាច្រើនងាយនឹងប្រឈមនឹងជំងឺមួយចំនួន ដូចជា ជំងឺកញ្ជ្រឹល ជំងឺស្វិតដៃជើង ជំងឺដុំពក និងមេរោគខាន់ស្លាក់ ជាពិសេសជំងឺតេតាណូស ដែលអាចធ្វើអោយកុមារមានគ្រោះថ្នាក់។

វ៉ាក់សាំងក៏អាចជួយការពារមនុស្ស ដែលមិនអាចទទួលថ្នាំបង្ការផងដែរ ពោលគឺទារក ឬមនុស្សចាស់ជរា ដោយសារនៅក្មេងពេក ឬចាស់ពេក។ ការការពារនោះ គឺការចាក់វ៉ាក់សាំងសម្រាប់ក្រុមមនុស្សដែលអាចទទួលវ៉ាក់សាំងបានក្នុងសហគមន៍មួយ ដើម្បីការពារប្រឆាំងនឹងជំងឺឆ្លងនានា ហើយវាអាចជួយរារាំងជំងឺរាលដាលពីមនុស្សម្នាក់ ទៅមនុស្សម្នាក់ទៀតក្នុងសហគមន៍នោះផងដែរ៕

ប្រភព៖ sciencenewsforstudents.org ប្រែសម្រួល៖ ប៊ុន ធឿន