វៀតណាម ចាប់ខ្លួនបុរសម្នាក់ ដែលមានបំណងប្រឆាំងរដ្ឋាភិបាល

2017-07-25 06:29:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាជ្ញាធរវៀតណាម កាលពីថ្ងៃទី២៤ ខែកក្កដា ម្សិលមិញ បានចាប់ខ្លួនអ្នករិះគន់រដ្ឋាភិបាលវៀតណាមដ៏មានប្រជាប្រិយភាពម្នាក់ ឈ្មោះ Le Dinh Luong ដែលត្រូវបានចោទប្រកាន់ថា បានធ្វើសកម្មភាពប្រឆាំងនឹងគោលនយោបាយរបស់រដ្ឋាភិបាលវៀតណាម។

លោក Le Dinh Luong

ប៉ូលិសវៀតណាមបានបញ្ជាក់ថា ការចាប់ខ្លួនបុរសវ័យ ៥១ឆ្នាំរូបនេះ ដោយសារគាត់បានប្រកាសនៅលើវេបសាយថា គាត់នឹងធ្វើសកម្មភាពជាប្រចាំដោយមានបំណងប្រឆាំងនឹងអាជ្ញាធរ និងធ្វើឲ្យមានបញ្ហាដល់សន្តិសុខក្នុងប្រទេស។ ប៉ុន្ដែគាត់ពុំបានបញ្ជាក់ឲ្យបានច្បាស់នោះទេ។

ទោះយ៉ាងណាក៏ដោយ បក្សកុម្មុយនិស្តវៀតណាមបានធ្វើកំណែទម្រង់លើវិស័យសេដ្ឋកិច្ច និងការបង្កើនការបើកចំហសម្រាប់ការផ្លាស់ប្ដូរក្នុងសង្គម លើកលែងតែប្រព័ន្ធផ្សព្វផ្សាយប៉ុណ្ណោះ ដែលអាជ្ញាធរវៀតណាមនៅរឹតបន្ដឹង និងទទួលបានការរិះគន់ដោយមិនអាចជៀសបាន។

សូមបញ្ជាក់ថា កាលពីខែមិថុនា កន្លងទៅ មានអ្នករិះគន់រដ្ឋាភិបាលវៀតណាមម្នាក់ ក៏ត្រូវបានកាត់ឲ្យទោសឲ្យជាប់ពន្ធនាគារចំនួន ១០ឆ្នាំផងដែរ៕

ប្រភព៖ Channelnewsasia ប្រែសម្រួល៖ វាសនា