Koeman បញ្ជាក់ថា Ross Barkley ចង់ចាកចេញពី Everton

2017-07-27 03:09:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកចាត់ការទូទៅលោក Ronald Koeman បានទម្លាយថា ខ្សែបម្រើ Ross Barkley កំពុងស្វែងរកទ្រនំថ្មី ហើយក្លឹបជឿជាក់ ១០០ភាគរយថា រូបគេនឹងចាកចេញ នាពេលខាងមុខ។

លោក Ronald Koeman និង Ross Barkley

Barkley អាយុ ២៣ឆ្នាំ នៅសល់កុងត្រារយៈពេល ១ឆ្នាំ តែមិនទាន់បានបន្តកុងត្រាថ្មីជាមួយ Everton នៅឡើយទេ។ ***«ពួកយើងបានដាក់សំណើនូវកុងត្រាដ៏សមរម្យមួយ។ តែរូបគេបានបដិសេធ»***។ នេះជាការបង្ហើបរបស់លោក Koeman ។

Everton ដាក់តម្លៃខ្លួន Barkley ចំនួន ៥០លានផោន សម្រាប់ក្រុមដែលចង់បានកីឡាករសញ្ជាតិអង់គ្លេសរូបនេះ ខណៈពួកគេក៏កំពុងតាមប្រមាញ់យកខ្សែបម្រើរបស់ Swansea City គឺ Gylfi Siguardsson ប៉ុន្តែត្រូវបានច្រានចោល នូវសំណើ ៤០លានផោន។ Swansea ត្រូវការ ៥០លានផោន ចំពោះតម្លៃខ្លួនរបស់កីឡាករវ័យ ២៧ឆ្នាំរូបនេះ។

សូមបញ្ជាក់ថា Ross Barkley ដែលកកើតចេញពីក្រុមយុវជនថ្នាលរបស់ Everton បានលេងក្នុងក្រុមឈុតធំចំនួន ១៥០លើក នៅក្របខ័ណ្ឌ Premier League ក្នុងនោះរកបាន ២១គ្រាប់៕

ប្រភព៖ BBC ប្រែសម្រួល៖ លាភ.