រឿង «រង្វាន់» ចេញផ្សាយព្រឹកនេះហើយ
- 2017-08-18 01:00:00
- ចំនួនមតិ 0 | ចំនួនចែករំលែក 0
រឿង «រង្វាន់» ចេញផ្សាយព្រឹកនេះហើយ
ចន្លោះមិនឃើញ
ខ្សែជីវិតដ៏កម្សត់របស់ស្រីទូចដែលមានឪពុកជាអ្នកប្រមឹក ក្នុងរឿង«រង្វាន់» របស់អ្នកនិពន្ធពៅសុខ ចេញផ្សាយនៅលើប្រលោមលោកSabay ព្រឹកមិញនេះហើយ។ តោះ! អានឱ្យបានមុនគេ!
ពូអឿនជាកសិករពោះម៉ាយម្នាក់។ គាត់រស់នៅក្នុងផ្ទះឈើប្រក់ស្លឹកជាមួយកូនបីនាក់ ស្រីមួយប្រុសពីរ នៅភូមិក្បែរទីប្រជុំជនផ្សារអង់តាសោម ខេត្តតាកែវ។ ពូអឿនជាមនុស្សស្លូតបូត ពូកែធ្វើការងារ និងមិនចេះផឹកស៊ីផ្ដេសផ្ដាស។
ល្ងាចថ្ងៃមួយពេលគាត់លីនង្គ័លត្រឡប់មកពីស្រែវិញ គាត់ឮសម្រែកហ៊ោកញ្ជ្រៀវរបស់អ្នកភូមិ ៦-៧ នាក់ចេញពីតៀមកាហ្វេមួយថា៖
«ល្បងសាត ល្បងត្រូវរង្វាន់ធំហើយ!»
ឯកូនតូចម្នាក់ ក៏ស្រែកឡើងដែរថា៖
«ពុកយើងត្រូវរង្វាន់ហើយ!»
ហើយក្មេងតូចអាយុប្រហែល១០ឆ្នាំនោះ ក៏រត់ចេញមកក្រៅនិងរត់ស្រែកតាមផ្លូវទៅផ្ទះវាទៀតថា៖
«ម៉ែអើយ! ពុកត្រូវរង្វាន់ធំហើយ! រង្វាន់ឡានមួយគ្រឿង!»
ពូអឿនឃើញដូចនោះ គាត់មិនបានដាក់នង្គ័លចុះទេ ដោយគាត់គ្រាន់តែងាកមើលនិងសើចញឹមៗប៉ុណ្ណោះ រួចគាត់ក៏ដើរហួសទៅ។
ថ្ងៃក្រោយមកទៀត ពេលគាត់ដឹកគោមកពីស្រែ គាត់ក៏ជួបព្រឹត្តិការណ៍នេះដដែល។ ដោយចង់ដឹងពីហេតុការណ៍ គាត់ក៏យកគោទៅចងនឹងរបងផ្ទះគេ ហើយក៏ដើរចូលទៅមើល។ ពូអឿនឃើញក្រុមបុរសទាំងអស់ដែលកំពុងស្រែកហ៊ោនោះ អង្គុយលើកៅអីជ័រមើលកម្មវិធីប្រដាល់របស់ស្ថានីយទូរទស្សន៍ក្នុងស្រុកមួយ ជាមួយនឹងដបនិងកែវស្រាខ្លះ។
អ្នកអង្គុយនោះមានពូម៉នឪពុកស្រីមុំ ដែលមានផ្ទះឆ្ងាយពីពូអឿនប្រហែលមួយរយម៉ែត្រ។ ពូអឿនមិនមានការជក់ចិត្តជាមួយកម្មវិធីនោះនោះប៉ុន្មានទេ តែពេលគាត់ហៀបនឹងដើរចេញមកវិញ ពូម៉នដែលកំពុងកាន់ទូរស័ព្ទទំនើបគួរសមនោះងាកមកឃើញគាត់ ក៏បានស្រែកហៅគាត់ឱ្យចូលហូបស្រាមួយកែវសិន។
ចូលទៅកាន់ផេកហ្វេសប៊ុករបស់ប្រលោមលោកsabay ចុចត្រង់នេះ
របៀបងាយៗដើម្បីអានប្រលោមលោកsabay ចុចត្រង់នេះ
Download ប្រលោមលោកsabay លើ ios ចុចត្រង់នេះ
Download ប្រលោមលោកsabay លើ Android ចុចត្រង់នេះ