យន្តហោះទម្លាក់គ្រាប់បែកអាមេរិក មកដល់អឺរ៉ុប ខណៈរុស្ស៊ី ត្រៀមធ្វើសមយុទ្ធ
- 2017-08-24 09:45:01
- ចំនួនមតិ 0 | ចំនួនចែករំលែក 0
យន្តហោះទម្លាក់គ្រាប់បែកអាមេរិក មកដល់អឺរ៉ុប ខណៈរុស្ស៊ី ត្រៀមធ្វើសមយុទ្ធ
ចន្លោះមិនឃើញ
យន្តហោះទម្លាក់គ្រាប់បែក B-1 ចំនួន២គ្រឿង យន្តហោះ B-52 របស់អាមេរិក បានមកដល់អង់គ្លេសហើយ នៅថ្ងៃទី២៣សីហា ដើម្បីចូលរួមសមយុទ្ធអន្តរជាតិប្រចាំឆ្នាំ ខណៈដែលរុស្ស៊ី ក៏ត្រៀមធ្វើសមយុទ្ធយោធាផងដែរ។
យន្តហោះអាមេរិក នឹងបើកការហោះហើរនៅប្រទេសស្លូវ៉ាគី និងប៉ូឡូញ មុនពេលចូលរួមសមយុទ្ធ Ample Strike 2017 នៅប្រទេសឆេក ដែលធ្វើឡើងពីថ្ងៃទី២៨ ដល់ ៩កញ្ញា។ សមយុទ្ធនេះ នឹងមានការចូលរួមពីយន្តហោះ ឧទ្ធម្ភាគចក្រ និងយន្តហោះដ្រូន UAV ជាង ៣០គ្រឿង ដែលមកពីប្រទេសសម្ព័ន្ធមិត្តណាតូចំនួន ៣០។
សមយុទ្ធ Ample Strike នឹងផ្តោតទៅលើការហ្វឹកហាត់រួមគ្នាទាំងលើគោក និងអាកាស ព្រមទាំងពង្រឹងសហប្រតិបត្តិការរួមគ្នារវាងសម្ព័ន្ធមិត្តណាតូ និងប្រទេសជាដៃគូ។
សមយុទ្ធរបស់អង្គការណាតូធ្វើឡើង ខណៈពេលដែលរុស្ស៊ី នឹងរៀបចំធ្វើសមយុទ្ធទ្រង់ទ្រាយធំរបស់ខ្លួន នៅខែក្រោយ នៅប្រទេសបេឡារុសផងដែរ៕