Animoji មុខងារថ្មីដែលអ្នកមិនធ្លាប់ឃើញលើ iPhone ពេលនេះមានលើ iPhone X ហើយ
- 2017-09-13 03:35:16
- ចំនួនមតិ 0 | ចំនួនចែករំលែក 0
Animoji មុខងារថ្មីដែលអ្នកមិនធ្លាប់ឃើញលើ iPhone ពេលនេះមានលើ iPhone X ហើយ
ចន្លោះមិនឃើញ
Apple បានប្រកាសបង្ហាញ iPhone X (ឬ 10) ជាផ្លូវការកាលពីយប់មិញ ជាមួយ iPhone 8 និង 8 Plus។ iPhone X មានបន្ថែមមុខងារ Face ID ដែលអាចស្កេនលើផ្ទៃមុខ ដើម្បីឲ្យវារក្សាទិន្នន័យពីផ្ទៃមុខរបស់ម្ចាស់ទូរសព្ទ ងាយស្រួលក្នុងការដោះសោ។ លើសពីនេះ Face ID ក៏ធ្វើការជាមួយនឹងមុខងារថ្មីដែលពុំធ្លាប់មាននៅលើ iPhone ជំនាន់មុនៗ នោះគឺ Animoji ផងដែរ។
Animoji ដែលមាននៅលើប្រព័ន្ធប្រតិបត្តិការ iOS 11 ជាមុខងារថ្មីដែលអនុញ្ញាតឲ្យបង្កើតជាទឹកមុខផ្សេងៗនៅលើ Emoji តាមរយៈការចាប់យកទឹកមុខរបស់អ្នកប្រើប្រាស់។ បន្ទាប់មកគេអាចផ្ញើ Animoji ទាំងនោះជាសារតាមរយៈ កម្មវិធីផ្សេងៗ ដោយបង្ហាញជាវីដេអូមានសំឡេង។
Apple ហៅមុខងារ Animoji ថា ជាសារមានចលនា ដែលអាចបញ្ចេញសំឡេងរបស់អ្នកដោយផ្ទាល់ និងបង្ហាញពីទឹកមុខផ្សេងៗ នៅក្នុងពេលជាមួយគ្នា។ Animoji ដំណើរការនៅលើរូប Emoji បែបតុក្កតា ដូចជា សត្វស្វា ឆ្មា ឆ្កែ និងរូប Emoji ដទៃទៀត៕