មីស៊ីលសម្រាប់វាយប្រហារកូរ៉េខាងជើង ត្រូវបានកងទ័ពកូរ៉េខាងត្បូង ធ្វើតេស្តជោគជ័យ
- 2017-09-14 01:38:07
- ចំនួនមតិ 0 | ចំនួនចែករំលែក 0
មីស៊ីលសម្រាប់វាយប្រហារកូរ៉េខាងជើង ត្រូវបានកងទ័ពកូរ៉េខាងត្បូង ធ្វើតេស្តជោគជ័យ
ចន្លោះមិនឃើញ
កងទ័ពអាកាសកូរ៉េខាងត្បូង បានឲ្យដឹងកាលពីថ្ងៃទី១៣កញ្ញាថា ខ្លួនបានជោគជ័យក្នុងការធ្វើសមយុទ្ធបាញ់មីស៊ីល Taurus។ នេះជាមីស៊ីលចម្ងាយឆ្ងាយ សម្រាប់វាយប្រហារទីតាំងសំខាន់ៗនៅក្នុងប្រទេសកូរ៉េខាងជើង។
សមយុទ្ធនេះ ត្រូវបានធ្វើឡើងកាលពីថ្ងៃទី១២កញ្ញា នៅតំបន់ Taean ភាគខាងត្បូងខេត្ត Chungcheong ដោយមីស៊ីល Taurus ត្រូវបានហ្វឹកហាត់បាញ់ចេញពីយន្តហោះចម្បាំង F-15K។ វាហោះបានចម្ងាយប្រហែល ៤០០គីឡូម៉ែត្រ និងវាយប្រហារចំគោលដៅច្បាស់លាស់។ ល្បឿនអតិបរមារបស់ Taurus គឺ ១១៦៣គីឡូម៉ែត្រក្នុង១ម៉ោង។
គោលបំណងនៃការធ្វើសមយុទ្ធរបស់កូរ៉េខាងត្បូងនេះ គឺដើម្បីឆ្លើយតបទៅនឹងការធ្វើតេស្តគ្រាប់បែកអ៊ីដ្រូសែន របស់កូរ៉េខាងជើង កាលពីថ្ងៃទី៣កញ្ញា។ លើសពីនេះទៅទៀត កូរ៉េខាងត្បូង ក៏ចង់បង្កើនសមត្ថភាពដល់កងទ័ពអាកាសរបស់ខ្លួន ដោយការច្របាច់បញ្ចូលគ្នារវាងមីស៊ីលរបស់អាល្លឺម៉ង់ Taurus និងយន្តហោះចម្បាំងក្នុងស្រុក F-15K ផងដែរ៕