អ្នកគាំទ្រ Spartak Moscow បាញ់កាំជ្រួចចូលទីលាន ប៊ិះចំអាជ្ញាកណ្ដាល
- 2017-09-14 02:30:47
- ចំនួនមតិ 0 | ចំនួនចែករំលែក 0
អ្នកគាំទ្រ Spartak Moscow បាញ់កាំជ្រួចចូលទីលាន ប៊ិះចំអាជ្ញាកណ្ដាល
ចន្លោះមិនឃើញ
អ្នកគាំទ្រក្រុម Spartak Moscow ម្នាក់ បានបាញ់កាំជ្រួច (Flare) ពីកន្លែងអង្គុយចូលក្នុងទីលានប្រកួត ស្ទើរតែបុកចំអាជ្ញាកណ្ដាល ក្នុងការប្រកួតទល់នឹងក្រុម Maribor ដែលទទួលបានលទ្ធផលស្មើគ្នា ១-១ នៅវគ្គសន្សំពិន្ទុ ពានរង្វាន់ UEFA Champions League កាលពីយប់មិញ។
អំពើហិង្សា បានកើតឡើងនៅក្រៅទីលាន ដោយក្រុមអ្នកគាំទ្របានប៉ះទង្គិចជាមួយក្រុមប៉ូលិស។ ទង្វើនេះ បានបង្កការព្រួយបារម្ភចំពោះបញ្ហាសុវត្ថិភាពនៅប្រទេសរុស្ស៊ី ដែលនឹងត្រូវរៀបចំព្រឹត្តិការណ៍បាល់ទាត់ពិភពលោក នាឆ្នាំ២០១៨ ខាងមុខនេះ។ ចំណែកអ្នកគាំទ្ររបស់ Liverpool ក៏មានការព្រួយបារម្ភចំពោះបញ្ហាសុវត្ថិភាពក្រុមរបស់ពួកគេ ដែលត្រូវទៅប៉ះ Spartak Moscow នៅក្នុងពូល E វគ្គសន្សំពិន្ទុ UEFA Champions League ផងដែរ។
ដូចគ្នានេះដែរ កាលពីឆ្នាំ២០១៦ អ្នកគាំទ្រជម្រើសជាតិរុស្ស៊ី បានបង្កឲ្យមានការប៉ះទង្គិចជាមួយអ្នកគាំទ្ររបស់ក្រុមជម្រើសជាតិអង់គ្លេស ក្នុងការប្រកួតពានរង្វាន់ EURO 2016 ៕