វៀតណាម ជម្លៀសប្រជាជន មុនការមកដល់នូវខ្យល់ព្យុះដ៏ខ្លាំងមួយ
- 2017-09-14 10:14:08
- ចំនួនមតិ 0 | ចំនួនចែករំលែក 0
វៀតណាម ជម្លៀសប្រជាជន មុនការមកដល់នូវខ្យល់ព្យុះដ៏ខ្លាំងមួយ
ចន្លោះមិនឃើញ
វៀតណាម កំពុងប្រឈមមុខនឹងខ្យល់ព្យុះ Doksuri ដោយអ្នកព្យាករអាកាសធាតុបានព្រមានថា ខ្យល់ព្យុះនេះ នឹងបង្កឲ្យមានភ្លៀងធ្លាក់ខ្លាំង ទឹកជំនន់ និងការបាក់ដី កើតឡើងនៅតំបន់ភាគកណ្តាល និងភាគខាងជើងប្រទេស។
ឧបនាយករដ្ឋមន្រ្តីវៀតណាម លោក Trinh Dinh Dung បានថ្លែងក្នុងកិច្ចប្រជុំបន្ទាន់មួយនាថ្ងៃទី១៤កញ្ញានេះ ដោយចេញបញ្ជាឲ្យជម្លៀសប្រជាជនចេញពីតំបន់ដែលនឹងទទួលរងគ្រោះខ្លាំង។
គួរបញ្ជាក់ថា ខ្យល់ព្យុះត្រូពិក Doksuri បានវាយប្រហារហ្វីលីពីន កាលពីថ្ងៃទី១២កញ្ញា បណ្តាលឲ្យមានមនុស្សយ៉ាងហោច ៤នាក់បានស្លាប់ និង ៦នាក់ទៀតបាត់ខ្លួនផងដែរ។ ខ្យល់ព្យុះនេះ នឹងបង្កើនកម្លាំងទៅជាខ្យល់ព្យុះទីហ្វុងមួយ ជាមួយល្បឿន ១១៥គីឡូម៉ែត្រក្នុង១ម៉ោង មុនពេលបង្កការបាក់ដីនៅភាគកណ្តាលវៀតណាម នាថ្ងៃទី១៥កញ្ញាស្អែកនេះ៕