គ.ជ.ប ប្តឹងទៅក្រសួងមហាផ្ទៃរឿងជនអនាមិក Hack ទំព័រហ្វេសប៊ុកអ្នកនាំពាក្យ គ.ជ.ប
- 2017-09-18 03:20:30
- ចំនួនមតិ 0 | ចំនួនចែករំលែក 0
គ.ជ.ប ប្តឹងទៅក្រសួងមហាផ្ទៃរឿងជនអនាមិក Hack ទំព័រហ្វេសប៊ុកអ្នកនាំពាក្យ គ.ជ.ប
ចន្លោះមិនឃើញ
នៅព្រឹកថ្ងៃទី១៨ ខែកញ្ញានេះ គណៈកម្មាធិការជាតិរៀបចំការបោះឆ្នោត (គ.ជ.ប) បានដាក់ពាក្យបណ្តឹងប្តឹងទៅក្រសួងមហាផ្ទៃ ដើម្បីចាត់វិធានការផ្លូវច្បាប់ទៅលើជនអនាមិក ដែលបាន Hack ទំព័រ "អ្នកនាំពាក្យ គ.ជ.ប -NEC spokesperson" យកទៅប្រើប្រាស់។
លោក ហង្ស ពុទ្ធា អ្នកនាំពាក្យ គ.ជ.ប បានថ្លែងប្រាប់ខ្លីៗ នៅមុននេះបន្តិចថា នៅព្រឹកថ្ងៃទី១៨ កញ្ញានេះ លោកបានយកពាក្យបណ្តឹងទៅដាក់នៅក្រសួងមហាផ្ទៃ ដើម្បីប្តឹង ទាញយកសិទ្ធិប្រើប្រាស់មកវិញ និងមិនទទួលខុសត្រូវចំពោះព័ត៌មានទាំងឡាយនៅក្នុងរយៈពេល ដែលហ្វេសប៊ុករបស់អ្នកនាំពាក្យ គ.ជ.ប ត្រូវបានគេ Hack និងស្នើឲ្យមានវិធានការតាមផ្លូវច្បាប់សម្រាប់អ្នកដែលធ្វើឲ្យប៉ះពាល់ដល់កិច្ចការរបស់ គ.ជ.ប។
សូមបញ្ជាក់ថា គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសកាលពីរសៀលថ្ងៃទី១៦ ខែកញ្ញា ២០១៧ ថា ទំព័រ "អ្នកនាំពាក្យ គ.ជ.ប – NEC spokeperson" ត្រូវបាន Hack ដោយជនអនាមិក យកទៅប្រើប្រាស់។ គ.ជ.ប មិនទទួលខុសត្រូវលើរាល់ព័ត៌មានទាំងឡាយណា ដែលផ្សព្វផ្សាយដោយហ្វេសប៊ុក “អ្នកនាំពាក្យ គ.ជ.ប-NEC spokesperson” ឡើយ ហើយ គ.ជ.ប នឹងផ្ដល់ព័ត៌មានជាក្រោយក្នុងករណីមានការប្រែប្រួល៕