iOS 11 ចេញផ្លូវការយប់ស្អែកហើយ តែម៉ោងប៉ុន្មានទើបទាញយកបាននៅកម្ពុជា?
- 2017-09-18 08:43:57
- ចំនួនមតិ 0 | ចំនួនចែករំលែក 0
iOS 11 ចេញផ្លូវការយប់ស្អែកហើយ តែម៉ោងប៉ុន្មានទើបទាញយកបាននៅកម្ពុជា?
ចន្លោះមិនឃើញ
Apple បានប្រកាសនៅក្នុងពិធីបង្ហាញ iPhone X កាលពីសប្ដាហ៍មុនថា ខ្លួននឹងបញ្ចេញ iOS 11 ជាផ្លូវការនៅថ្ងៃទី១៩ ខែកញ្ញា ឆ្នាំ២០១៧ ជូនដល់អ្នកប្រើប្រាស់ iPhone ចាប់ពី 5s ឡើងទៅ និង iPad ចាប់ពី Mini 2 និង Air ឡើងទៅ ព្រមទាំង iPod Touch 6th generation ផងដែរ។
ចំពោះម៉ោងដែលចេញនៅកម្ពុជា គឺនៅក្នុងរង្វង់ម៉ោង ០០:០០ ឈានចូលថ្ងៃពុធ ទី២០ ខែកញ្ញា ឆ្នាំ២០១៧។
លក្ខណៈសម្បត្តិមួយចំនួនដែលធ្វើឲ្យ iOS 11 ខុសពី iOS 10 គឺ ការធ្វើឲ្យកម្មវិធីដំណើរការលឿនជាងមុន និងសន្សំសំចៃថ្ម នៅលើ iPhone។ ចំពោះ iPad វិញ iOS 11 នាំមកនូវក្ដារចុចថ្មីមួយ ដែលបង្កភាពងាយស្រួលក្នុងការផ្លាស់ប្ដូរ អក្សរ និង លេខ ទៅវិញទៅមក លើក្ដារចុច។ ការធ្វើបច្ចុប្បន្នភាពនេះ ក៏នឹងបន្ថែមកម្មវិធី Files ដែលងាយស្រួលក្នុងការរៀបចំឯកសារផ្សេងៗផងដែរ៕